• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستانی نوجوان کا شائقین کرکٹ کیلئے ’’اے آئی‘‘ سے ترانہ، دنیا حیران ہوگئی

آج کا اخبار
یورپ سے
15 جنوری ، 2025
کراچی (نیوز ڈیسک) کراچی سے تعلق رکھنے والے ٹیکنالوجی سے آشنا نوجوان نے اے آئی کا نئی طرز پر استعمال کر کے نہ صرف دنیا کو حیران کیا بلکہ شائقین کرکٹ کو بھی خوش کردیا۔ اس نوجوان کا نام ایاز خان ہے جس نے پی ایس ایل 10کے آغاز سے قبل شائقین کرکٹ کیلیے ایک نغمہ ’’دل تھام لے پیارے‘‘ جاری کیا۔ واضح رہے کہ اس نغمے کا بالواسطہ پی ایس ایل سے تعلق نہیں جبکہ اس میں انٹرنیشنل کرکٹ ایونٹس دکھائے گئے ہیں۔ ایاز خان کے مطابق انہوں نے نغمے کے بول یعنی شاعری خود لکھی جس کے بعد اے آئی کی مدد سے اس کی آڈیو ریکارڈنگ کی اور میوزک تیار کروایا، نغمے میں نوجوان نے خود بھی اپنی آواز کا جادو جگایا ہے۔ انہوں نے بتایا کہ میوزک کی تیاری کے بعد پھر ویڈیو بنانے کا مرحلہ آیا جس کو رات دن کی محنت کر کے تیار کیا گیا۔ نغمے میں قوم اور کرکٹ کے رشتے کے ساتھ کھلاڑیوں کی لگن اور جدوجہد کا بھی ذکر کیا گیا ہے جبکہ ویڈیو میں موجودہ اور سابق کھلاڑی شامل ہیں۔
یورپ سے سے مزید