• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معروف تاجر خرم سید اور میتھیاس تھیس کی رکن یورپی پارلیمنٹ سے ملاقات

آج کا اخبار
یورپ سے
17 جنوری ، 2025
برسلز (حافظ اُنیب راشد) جرمنی سے معروف تاجر خرم سید اور میتھیاس تھیس نے یورپین پارلیمنٹ کے رکن تھامس گیزل سے ملاقات کی ہے۔ واضح رہے کہ تھامس گیزل ایم ای پی جرمنی کے شہر ڈزلڈورف کے سابق مئیر اور BSW پارٹی کے سینئر رہنما ہیں۔ خرم سید کے مطابق یورپین پارلیمنٹ برسلز میں ہونے والی اس ملاقات میں BSW کے رہنما کے ساتھ جرمنی میں آئندہ ماہ منعقد ہونے والے الیکشن کے تناظر میں اہم گفتگو ہوئی اور پارٹی کے حوالے سے معلومات کا تبادلہ ہوا۔ بعد ازاں ای۔یو پاک فیڈریشن بلجیم کے چیئرمین چوہدری زاہد بھدر نے یورپین دارالحکومت برسلز میں ہی میتھیاس تھیس اور خرم سید کے اعزاز میں ظہرانے کا اہتمام کیا۔ اس دوران پاکستانی تارکین وطن کے مختلف ملکوں کی مقامی سیاست میں کردار پر گفتگو کرتے ہوئے ان کی بڑھتی ہوئی شمولیت پر اطمینان کا اظہار کیا گیا۔
یورپ سے سے مزید