فرمان الہی
نماز کے اوقات
بھارتی ریاست تامل ناڈو میں دو بسوں کے درمیان پھنس جانے کے باوجود ایک شخص معجزانہ طور پر زندہ بچ گیا۔
سی سی ٹی وی کیمرے میں قید ہونے والے اس خوفناک لمحے کا ویڈیو وائرل ہوگیا جس میں ایک شخص کو دو چلتی بسوں کے درمیان پھنستے دیکھا جاسکتا ہے۔
3 جنوری کو بھرت نامی شخص تھامارنکوٹائی سے پٹوکوٹائی جا رہا تھا اور ایک پرائیویٹ بس پر سوار ہونے کی کوشش کر رہا تھا۔ جیسے ہی وہ بس پر چڑھنے لگا تو دوسری بس اس بس کو اوورٹیک کرنے کی کوشش میں خطرناک طریقے سے بائیں طرف مڑتی ہے۔
اس حرکت کے باعث یہ شخص ایسی صورتحال میں آگیا جہاں دو تیز رفتار گاڑیوں کے درمیان پھنس گیا۔
ویڈیو میں بھرت کو گھومتے ہوئے اور توازن برقرار رکھنے کی کوشش کرتے دیکھا گیا لیکن وہ بعد میں زمین پر گرگیا۔ خوش قسمتی سے اس خوفناک حادثے کے باوجود وہ صرف چند معمولی خراشوں کے ساتھ بچ نکلا۔
