• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حضور نبی اکرم ؐ کا سفر معراج جسمانی تھا، ڈاکٹر طاہر القادری

میرا شہر
لاہور
29 جنوری ، 2025
لاہور(خصوصی رپورٹر)منہاج القرآن انٹرنیشنل علماء کونسل کے زیرِ اہتمام معراج النبی کانفرنس جامع شیخ الاسلام ماڈل ٹاؤن د ہوئی ، کانفرنس سے ڈاکٹر محمد طاہر القادری نے آن لائن خطاب کرتے ہوئے کہا کہ آپ ؐ کا تمام سفرِ معراج جسمانی ہے۔ مسجدِ حرام سے لے کر مسجدِ اقصیٰ تک، مسجدِ اقصیٰ سے سدرۃ المنتہیٰ تک اور سدرۃ المنتہیٰ سے قاب قوسین اَو اَدنیٰ تک کے اس پورے سفر کا کوئی ایک مرحلہ بھی ایسا نہیں ہے جو صرف آپ ؐ کی روح مبارک نے کیا ہو۔ اگر حضور نبی اکرم ؐ کے اس سفر کو خواب کہا جائے تو پھر یہ معجزہ کی تعریف سے باہر نکل جائے گا اور معجزے کا کلیتًا انکار ہو جائے گا۔ خرم نواز گنڈا پور نے کہا کہ یہ عبادت کی رات ہے اور ہم خوش قسمت ہیں کہ ہم تاجدارِ کائنات محمد ؐکے امتی ہیں ۔ علامہ ظہیر الحسن کربلائی نے کہا کہ میرے لیے بہت ہی خوش نصیبی ہے کہ میں ایسی نورانی اور پاکیزہ محفل میں بلایا گیا ہوں۔علامہ محمدعاصم مخدوم نے کہا کہ اللہ تعالیٰ نے حضور نبی اکرم ؐ کو بے شمار معجزات عطا فرمائے۔ علامہ محمد عبد الستار نیازی ،علامہ مفتی محمد جاوید نوری نے بھی خطاب کیا۔
لاہور سے مزید