فرمان الہی
نماز کے اوقات
معروف امریکی گلوکارہ اور اداکارہ سیلینا گومز حال میں ایک تنازع کا شکار ہوگئیں، ایک ویڈیو کے باعث انکے انسٹاگرام پر لاکھوں فالوورز کم ہوگئے۔
انسٹاگرام پر انہیں حال ہی میں بھاری نقصان کا سامنا کرنا پڑا تھا۔ رپورٹس کے مطابق گزشتہ ایک ماہ کے دوران ان کے 7 لاکھ سے زائد فالورز نے انہیں اَن فالو کردیا۔
یہ تنازع اس وقت شروع ہوا جب سیلینا گومز نے سابق امریکی صدر ڈونلڈ ٹرمپ کی امیگریشن پالیسیز کے خلاف ایک جذباتی ویڈیو شیئر کی۔
ویڈیو میں وہ روتے ہوئے غیر قانونی تارکین وطن پر کریک ڈاؤن کی مذمت کرتی نظر آئیں۔
امریکی امیگریشن اینڈ کسٹمز انفورسمنٹ (آئی سی ای) کے ایک آپریشن میں 956 افراد کو گرفتار کیا گیا تھا، جس پر گلوکارہ و اداکارہ نے سخت ردعمل دیا۔
سوشل میڈیا پلیٹ فارم "سوشل بلیڈ" کے مطابق سیلینا گومز کے فالورز میں گزشتہ 30 دنوں کے دوران تقریباً 7 لاکھ 15 ہزار کی کمی ہوئی۔ اگرچہ مشہور شخصیات کےلیے فالورز میں اتار چڑھاؤ معمول کی بات ہے لیکن اس کمی کے وقت نے شکوک پیدا کردیے۔
ویڈیو پیغام میں سیلینا گومز نے کہا تھا کہ "مجھے بہت افسوس ہے۔ میرے لوگ نشانے پر ہیں۔ بچے متاثر ہو رہے ہیں۔ میں سمجھ نہیں پا رہی ہوں۔ میں کچھ کرنا چاہتی ہوں لیکن نہیں جانتی کیا کروں۔ میں سب کچھ کرنے کی کوشش کروں گی، وعدہ کرتی ہوں۔"
ویڈیو کے اختتام پر انہوں نے میکسیکو کا جھنڈا ایموجی بھی استعمال کیا۔بعدازاں انہوں نے ویڈیو ڈیلیٹ کردی اور پھر اس کا دفاع کرتے ہوئے کہا، "شاید لوگوں کےلیے ہمدردی ظاہر کرنا مناسب نہیں ہے۔"
