فرمان الہی
نماز کے اوقات
ترجمان وزیرِ اعلیٰ خیبر پختون خوا سرفراز مغل نے بتایا ہے کہ کل ہونے والے جلسے کے لیے وزیرِ اعلیٰ علی امین گنڈا پور نے 50 لاکھ روپے دیے ہیں۔
ترجمان وزیراعلی فراز مغل نے ’جیو نیوز‘ سے بات چیت کرتے ہوئے کہا ہے کہ تحریکِ انصاف کے جلسوں اور احتجاج پر اخراجات کے سلسلے میں وزیرِ اعلی خیبر پختون خوا نے 50 کروڑ روپے سے زیادہ خرچ کیے ہیں۔
احتجاج کے دوران جلائی گئی مشینری اور دیگر نقصانات کی ادائیگی وزیرِ اعلیٰ نے اپنی جیب سے کی ہے۔
ترجمان کا کہنا ہے کہ ڈی آئی خان ریجن سے کل بڑا قافلہ عمر امین کی قیادت میں صوابی پہنچے گا۔
انہوں نے بتایا کہ قافلے میں شامل سیکڑوں گاڑیوں کے کرایوں کی ادائیگی کر دی گئی ہے، وزیرِ اعلیٰ علی امین گنڈاپور پارٹی کے لیے کام کرتے رہیں گے۔
ترجمان فراز مغل نے بتایا ہے کہ کل ہونے والے جلسے کے لیے بھی وزیرِ اعلیٰ نے فنڈ دیا ہے۔
