فرمان الہی
نماز کے اوقات
کراچی (اسٹاف رپورٹر) پاکستان اسپورٹس بورڈ نے ڈوپ ٹیسٹ میں ملوث 8 کھلاڑیوں پر پابندیاں عائد کر دیں۔ مزید کے خلاف کارروائی جاری ہے۔ پی ایس بی کے مطابق 2024میں مجموعی طور پر140اینٹی ڈوپنگ ٹیسٹ کیے گئے، جن میں سے 13ایتھلیٹس کے ٹیسٹ مثبت آئے۔ ویٹ لفٹرز فرقان احمد 2، جمیل اختر اور محمد یوسف پر 3، 3 ، جبکہ غلام حسین شاہد پر4 سال کی پابندی عائد کی گئی۔ ارسلان رؤف کو3 سال کیلئے معطل کر دیا گیا ہے۔ سائیکلسٹ نتالیہ خان ، اسپرنٹر انیس خان پر 3، 3 سال کی پابندی ،باڈی بلڈرکاشف شاہ کو 4 سال کیلئے معطل کیاگیا ہے۔ شاٹ پٹ کی ایتھلیٹ ماہ نور ڈوگر اور مڈل ڈسٹنس رنر ربیلہ فاروق کے ڈوپ ٹیسٹ بھی مثبت آئے ہیں، جن کے خلاف کارروائی جاری ہے۔ اسپرنٹر نوید انجم، ویٹ لفٹر ملک سبحان اور حماد علی کو بھی نوٹس جاری کئے گئے ہیں۔ اسپورٹس بورڈ ترجمان کے مطابق قوانین کی خلاف ورزی کرنے والوں کے خلاف سخت کارروائی کی جائے گی۔
