• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بیوروکریٹس کو وائس چانسلر بنانے کا بل گورنر نے اعتراض لگا کر واپس بھیج دیا

آج کا اخبار
اہم خبریں
12 فروری ، 2025
کراچی ( اسٹاف رپورٹر)گورنر سندھ کامران خان ٹیسوری نے سندھ یونیورسٹیز اینڈ انسٹیٹیوٹس لاز ترمیمی بل 2025منظور کرنے کی بجائے اس پر اعتراض لگا کر اسے واپس بھیج دیا ہے ۔ گورنرسندھ نے اعتراضات اٹھاتے ہوئے کہا کہ وفاقی ہائر ایجوکیشن کمیشن کی واضح ہدایات کے تحت وائس چانسلر ایک ماہر تعلیم ہونا لازمی ہے۔ وفاقی ہائر ایجوکیشن کمیشن کی ہدایات پر دیگر صوبے بھی عمل پیرا ہیں۔پی ایچ ڈی کے حامل افراد علمی قیادت، تحقیق اور انتظامی معاملات پر گہری سمجھ رکھتے ہیں۔ بیورو کریٹس کی تقرری تعلیمی معیار اور تحقیق کے ضمن میں پورا نہیں اترتی ہے ۔ بیورو کریٹس طلباء ، فیکلٹیز اور محقیقین کی علمی ضروریات پوری طرح سمجھ نہیں سکتے ہیں اس لئے اٹھائے گئے اعتراضات پر نظر ثانی کی جائے۔
اہم خبریں سے مزید