• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کیسکو کا مکران میں لائن اسٹاف اور کارکنوں کیلئے ایک روزہ سیفٹی سیمینار

میرا شہر
کوئٹہ
19 فروری ، 2025
کوئٹہ(اسٹاف رپورٹر)کوئٹہ الیکٹرک سپلائی کمپنی کے ہیلتھ سیفٹی انوائرمنٹ ڈائریکٹوریٹ اور آل پاکستان واپڈا ہائیڈرو الیکٹرک ورکرز یونین کے زیر اہتمام آپریشن سرکل کیسکو مکران تربت میں لائن اسٹاف اور کارکنوں کے لئے ایک روزہ سیفٹی سیمینار منعقد کیاگیا۔ چیف ایگزیکٹوافسر کیسکو انجینئر یوسف شاہ خان کی خصوصی ہدایات پر منعقدہ سیمینار کا مقصد کیسکوملازمین بالخصوص لائن اسٹاف کی حفاظت اورکام کے دوران حفاظتی اصولوں پر عمل درآمد کو یقینی بناناہے۔سیمینار میں ہیلتھ سیفٹی انوائرمنٹ ڈائریکٹوریٹ کے ڈائریکٹرعبداللہ شاہ،آل پاکستان واپڈاہائیڈروالیکٹرک ورکرز یونین کے مرکزی جوائنٹ صدراورصوبائی چیئرمین حاجی رمضان اچکزئی، سپرنٹنڈنگ انجینئر مکران سرکل حسن علی مگسی،ایگزیکٹوانجینئرز،افسران اور ہائیڈرو یونین کے صوبائی و مرکزی عہدیداروں کے علاوہ ملازمین نے کثیر تعدادمیں شرکت کی۔ اس موقع پر شرکاء نے کام کے دوران کارکنوں کی حفاظت اور حفاظتی پالیسی پر عمل کرنے پر زوردیتے ہوئے کہاکہ بجلی لائنوں پر کام سے پہلے حفاظتی اقدامات کو مدنظررکھا جائے اورلائن اسٹاف اپناحفاظتی سامان ضروراستعمال کریں تاکہ حادثات سے بچاجاسکے ۔مقررین نے کہا کہ کیسکو کے اہلکارانتہائی نامساعد حالات میں تندہی سے اپنے فرائض سرانجام دے رہے ہیں۔ ہمارے متعدد کارکن فرائض کی انجام دہی کے دوران شہید اور زخمی ہو کر عمر بھر کیلئے معذور ہو چکے ہیں۔ انہوں نے کہا کہ کارکنوں کی جانوں کی حفاظت کیلئے ٹی اینڈ پی ، پی پی ای اور معیاری سامان فراہم کیا جائے ۔
کوئٹہ سے مزید