• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان ریونیو اتھارٹی کا ٹیکس وصولی کے جائزے کے حوالے سے اجلاس

میرا شہر
کوئٹہ
28 ستمبر ، 2026
کوئٹہ(اسٹاف رپورٹر)بلوچستان ریونیو اتھارٹی کے چیئرمین کی زیرِ صدارت بزنس سپورٹ، جینٹوریل سروسز، ٹریول و ٹور اور مائنز و منرلز سروسز کے شعبوں میں پیش رفت اور ٹیکس وصولی کے جائزے کے حوالے سے اجلاس منعقد ہوا۔اجلاس میں متعلقہ ٹیم نے رجسٹریشن، نان فائلرز، شارٹ پیمنٹ کی نشاندہی، نوٹسز کے اجرا، اسیسمنٹ آرڈرز، جرمانوں کے نفاذ، ٹیکس دہندگان کی سہولت اور ڈیٹا اکٹھا کرنے کے حوالے سے پیش رفت پر بریفنگ دی۔ سرکاری محکموں اور یونین کے ساتھ ہونے والی ملاقاتوں اور رابطہ کاری سے بھی آگاہ کیا گیا۔ٹیم کی جانب سے ٹیکس نظام میں ڈیجیٹلائزیشن کے حوالے سے مختلف تجاویز بھی پیش کی گئیں۔ چیئرپرسن نے ٹیم کی کوششوں کو سراہتے ہوئے متعلقہ حکام کو ہدایت کی کہ سروس فراہم کرنے والوں سے متعلق معلومات کے حصول اور ڈیٹا اکٹھا کرنے کا عمل مزید مؤثر بنایا جائے تاکہ ٹیکس بیس کو وسیع کیا جا سکے۔چیئرپرسن نے مزید ہدایت کی کہ ٹیکس دہندگان کو رجسٹریشن، ریٹرن فائلنگ اور ٹیکس تعمیل کے مراحل میں زیادہ سے زیادہ سہولت فراہم کی جائے، جبکہ دستیاب ڈیٹا کو بروئے کار لاتے ہوئے ٹیکس وصولی اور انفورسمنٹ کے عمل کو مزید مؤثر بنایا جائے۔
کوئٹہ سے مزید