• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گنڈاپور نے ایک انچ بھی زیادہ ترقیاتی کام کیا ہو تو مراد شاہ استعفیٰ دینگے، گورنر کے پی

آج کا اخبار
ملک بھر سے
23 فروری ، 2025
میاں چنوں(این این آئی)گورنر خیبرپختونخوا فیصل کریم کنڈی نے وزیراعلیٰ خیبرپختونخوا علی امین گنڈاپور کو چیلنج کرتے ہوئے کہا ہے کہ اگر انہوں نے سندھ کے وزیراعلیٰ مراد علی شاہ سے ایک انچ بھی زیادہ ترقیاتی کام کیا ہو تو مراد علی شاہ مستعفی ہونے کو تیار ہیں، ارباب نیاز اسٹیڈیم کا نام عمران خان اسٹیڈیم رکھنے سے ترقی نہیں ہوگی۔ انہوں نے کہا کہ خیبرپختونخوا میں امن و ترقیاتی کاموں کی صورتحال انتہائی مایوس کن ہے، جبکہ سندھ میں بغیر صحت کارڈ کے بھی عوام کو مفت علاج کی سہولت حاصل ہے۔فیصل کریم کنڈی نے میاں چنوں میں صحافیوں سے گفتگو کرتے ہوئے کہا کہ پاکستان پیپلز پارٹی عوام کی محبوب جماعت ہے اور وہ دن دور نہیں جب بلاول بھٹو زرداری ملک کے وزیراعظم ہوں گے۔ انہوں نے پاکستان تحریک انصاف پر تنقید کرتے ہوئے کہا کہ جو حکومت کروڑوں نوکریاں اور لاکھوں گھر دینے کے وعدے کرتی تھی، اسی نے محض ایک بل کے ذریعے 20 ہزار ملازمتیں ختم کر دیں۔گورنر خیبرپختونخوا نے جیل میں قیدیوں کے ساتھ امتیازی سلوک پر بھی بات کی اور کہا کہ اڈیالہ جیل میں خلاف ورزیاں ہو رہی ہیں، لیکن جو سہولیات قیدی نمبر 804 کو مل رہی ہیں، وہ تمام قیدیوں کو بھی دی جانی چاہئیں۔ انہوں نے طنزیہ انداز میں کہا کہ جو شخص امریکا جا کر فریج اور اے سی اتارنے کی باتیں کرتا تھا، آج وہ خود مشکلات کا شکار ہے۔
ملک بھر سے سے مزید