• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان میں امن و امان کی صورتحال باعث تشویش ہے،بار کونسل

میرا شہر
کوئٹہ
03 مارچ ، 2025
کوئٹہ (آن لائن) بلوچستان بار کونسل کے بیان میں حب میں لاپتہ بلوچ افراد کے دھرنے میں خواتین اوربچوں پر تشدد، لاٹھی چارج کے استعمال اور خواتین کو گرفتار کرنے کی مذمت کرتے ہوئے کہا ہےکہ بلوچستان میں امن و امان کی بگڑتی ہوئی صورتحال آئے روز شاہراہوں کی بندش اور بلوچستان میں ماورائے آئین و قانون گرفتاریاں باعث تشویش ہیں موجودہ صوبائی حکومت عوام کے مسائل حل کرنے میں مکمل طور پر ناکام ہوچکی ہے جب سے موجودہ حکومت کا قیام عمل میں لایا گیا ہے بلوچستان میں کرپشن، لوٹ کھسوٹ اور بیڈ گورننس کی انتہا ہے بلوچستان کے عوام کا موجودہ صوبائی حکومت اور وفاقی حکومت سے اعتماد اٹھ چکا ہے لاپتہ افراد کا معاملہ انتہائی سنگین صورتحال اختیار کرچکا ہے بیان میں کہا گیاکہ لاپتہ افراد کے لواحقین روزانہ کی بنیادوں پر اپنے پیاروں کی بازیابی کیلئے احتجاج کر رہے ہیں جسکی وجہ سے بلوچستان کا دوسرے صوبوں سے رابط منقطع ہوچکا ہے بیان میں کہاگیا کہ عدلیہ سے بھی عوام اعتماد اٹھ چکا ہے جس کی وجہ سے عوام عدالتوں میں آنے، شنوائی نہ ہونے کی وجہ سے مایوس ہوچکے ہیں موجودہ صوبائی حکومت مال بنانے میں مصروف ہے کرپشن اقربا پروری لاقانونیت عروج پر ہے بیان میں کہا گیاکہ حب بھوانی کے مقام پر لاپتہ افراد کے دھرنا میں طاقت کا استعمال خواتین اور بچوں پر لاٹھی چارج تشدد اور خواتین کی گرفتاری قابل مذمت ہے بیان میں مطالبہ کیا گیاکہ حکومت فوری طور پر لاپتہ افراد کی بازیابی کیلئے اقدامات اٹھائے گرفتار خواتین اوربچوں کو فوری رہا کیاجائے۔
کوئٹہ سے مزید