فرمان الہی
نماز کے اوقات
امریکی صدر ڈونلڈ ٹرمپ نے کہا ہے کہ یوکرین کو فوجی امداد معطل کرنے پر بات نہیں ہوئی، یوکرینی صدر زیلنسکی کو امریکی سپورٹ کو مزید سراہنا چاہیے۔
واشنگٹن میں میڈیا سے گفتگو کرتے ہوئے ڈونلڈ ٹرمپ نے کہا کہ یوکرین کی معدنیات سے متعلق معاہدے کی اپ ڈیٹ منگل کی رات دیں گے۔
ان کا کہنا تھا کہ یوکرین کے صدر زیلنسکی نے روس کے ساتھ امن کی حمایت نہ کی تو زیلنسکی زیادہ دیر نہیں رہ سکیں گے۔
یوکرینی صدر زیلنسکی کے روس سے ڈیل بہت دور ہونے سے متعلق بیان پر ڈونلڈ ٹرمپ نے کہا کہ یوکرینی صدر امن نہیں چاہتے۔
امریکی صدر نے یورپ پر بھی تنقید کی اور کہا کہ یورپ روس کے صدر پیوٹن کے سامنے کمزوری دکھا رہا ہے۔
ڈونلڈ ٹرمپ کے بیان سے پہلے برطانیہ نے یوکرین کو پانچ ہزار سے زائد ایئر ڈیفنس میزائل خریدنے کی اجازت دی تھی۔
وزیراعظم کئیر اسٹارمر نے کہا تھا کہ اس اقدام کا مقصد یرکرین کو مضبوط کرنا ہے تاکہ وہ مضبوط پوزیشن سے مذاکرات کرسکے۔
