فرمان الہی
نماز کے اوقات
بھارتی تیلگو میوزک انڈسٹری کی پلے بیک سنگر کلپنا راگھویندر کو حیدرآباد کی رہائش گاہ پر تشویش ناک حالت میں پایا گیا، گلوکارہ کو اسپتال منتقل کر دیا گیا ہے۔
بھارتی میڈیا کی رپورٹس کے مطابق گلوکارہ کلپنا راگھویندر کو خودکشی کی ناکام کوشش کے بعد اسپتال میں داخل کرایا گیا ہے۔
میڈیا رپورٹس کے مطابق کلپنا راگھویندر حیدر آباد میں واقع اپنے ولا میں بے ہوش پائی گئی تھیں، انہیں اسپتال منتقل کر دیا گیا ہے جہاں ان کا علاج جاری ہے۔
رپورٹس میں بتایا گیا ہے کہ کلپنا نے نیند کی گولیاں نگل کر خودکشی کرنے کی کوشش کی۔
گلوکارہ کی جانب سے انتہائی قدم اٹھانے کے پیچھے کی وجہ ابھی تک معلوم نہیں ہو سکی ہے۔
کلپنا کی حالت مستحکم ہے لیکن انہیں وینٹی لیٹر پر رکھا گیا ہے، پولیس کی جانب سے ان کے شوہر سے پوچھ گچھ اور معاملے کی مزید تحقیقات کا آغاز کر دیا گیا ہے۔
کلپنا راگھویندر کی عیادت کے لیے ٹالی ووڈ انڈسٹری کے فنکاروں کا اسپتال میں آنے کا سلسلہ بھی جاری ہے۔
کلپنا راگھویندر معروف پلے بیک سنگر ٹی ایس راگھویندر اور گلوکارہ سلوچنا کی بیٹی ہیں، انہوں نے 5 سال کی عمر میں گانے کے کیریئر کا آغاز کیا تھا۔
گلوکارہ کلپنا بگ باس تیلگو سیزن 1 کا حصہ رہی ہیں اور کئی ریئلٹی سنگنگ شوز کو جج کر چکی ہیں۔
