فرمان الہی
نماز کے اوقات
کراچی ( اسٹاف رپورٹر) ڈائریکٹر جنرل ادارہ ترقیات کراچی الطاف گوہر میمن نے کے ڈی اے کے مرکزی دفتر سوک سینٹر میں موجود مختلف شعبہ جات کا ہنگامی دورہ کیا دورہ کے موقع پر غیر حاضر شعبہ جاتی سربراہان ڈائریکٹر لینڈ آصف رضا چانڈیو، ڈائریکٹر پلاننگ اینڈ اربن ڈیزائن شہاب الدین منگی، ڈائریکٹر آئی ٹی جمیل احمد، ڈائریکٹر ایڈمن انجینئرنگ سلمان اللہ شرافت اور کمال صدیقی کودفتری اوقات میں غیر حاضری پر وارننگ لیٹر جاری کر دئے گئے ڈی جی کے ڈی اے نے ڈائریکٹر آئی ٹی اور ڈائریکٹر لینڈ کی عدم حاضری پر برہمی کا اظہار کرتے ہوئے کہا کہ دفتری اوقات میں اپنی حاضری کو یقینی بنائیں، شعبہ جاتی افسران کی دفتری اوقات میں غیر حاضری کسی طور قابل قبول نہیں، ایسے غیر پیشہ وارانہ رویہ کی ادارہ ترقیات کراچی میں گنجائش نہیں ہے۔انہوں نے مزید کہا کہ ڈائریکٹر لینڈ کے دستخط کے بغیر کسی بھی فائل پر آئی ٹی ڈپارٹمنٹ اور ریکوری ڈپارٹمنٹ میں دفتری کارروائی عمل میں نہیں لائی جائے، ایسے اقدمات کئے جائیں کہ سائلین کو ماہ رمضان میں کسی بھی قسم کی پریشانی کا سامنا نہ کرنا پڑے، ماہ رمضان کا مقدس مہینہ ہم سب کے لئے ہے لیکن افسران وملازمین دفتری اوقات صبح 10 تا شام4 حاضری کو یقینی بنائیںڈی جی کے ڈی اے الطاف گوہر میمن نے لینڈ ڈپارٹمنٹ کے دورہ کے موقع پر موجود سائلین نے ڈی جی کے ڈی اے کو درپیش مسائل سے آگاہ کیا دورہ کے موقع پر ڈی جی کے ڈی اے کے ہمراہ ممبر ایڈمنسٹریشن شکیل صدیقی، سیکریٹری کے ڈی اے ارشد خان و دیگر افسران موجود تھے۔
