• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک افغان کشیدگی، طورخم تجارتی گزرگاہ پندرہ روز سے بند

آج کا اخبار
ملک بھر سے
09 مارچ ، 2025
اسلام آباد (نامہ نگار خصوصی) خیبر میں پاک افغان کشیدگی کے باعث طورخم تجارتی گزرگاہ پندرہویں روز بھی بند ہے۔ فائرنگ ختم، دوطرفہ تجارت وپیدل آمدورفت معطل،8 ایف سی اہلکار زخمی،3افغان فوجی ہلاک ،سیکیورٹی ذرائع کے مطابق گزشتہ دو روز سے فائرنگ کا سلسلہ تھم چکا ہے، تاہم سرحدی راستہ بدستور بند ہے، جس کے باعث پاک افغان دوطرفہ تجارت اور پیدل آمدورفت معطل ہے۔ سیکیورٹی ذرائع کے مطابق جھڑپوں میں مجموعی طور پر 8 ایف سی اہلکار زخمی ہوئے جبکہ افغان فورسز کے 3 اہلکار ہلاک ہو چکے ہیں۔ کسٹم ذرائع کے مطابق تجارتی گزرگاہ کی بندش سے ملک یومیہ اوسطاً 3 ملین ڈالرز کی دو طرفہ تجارت سے محروم ہے۔ افغانستان سے یومیہ اوسطاً 1.6 ملین ڈالرز کی درآمدات اور 1.4 ملین ڈالرز کی برآمدات ہوتی ہیں، جبکہ گزشتہ 14 روز میں تقریباً 42 ملین ڈالرز کی تجارت متاثر ہو چکی ہے۔ امیگریشن حکام کا کہنا ہے کہ طورخم بارڈر کے ذریعے روزانہ تقریباً 10 ہزار افراد افغانستان آمدورفت کرتے ہیں، تاہم کشیدگی کے باعث یہ سلسلہ معطل ہے۔ سیکیورٹی ذرائع کے مطابق 14 روز قبل افغان فورسز سرحد کے متنازعہ علاقے میں تعمیرات کر رہی تھیں، جس پر پاکستان اور افغان فورسز کے درمیان کشیدگی پیدا ہوئی۔ اسی تنازعے کے باعث ایف سی حکام نے طورخم تجارتی گزرگاہ کو ہر قسم کی آمدورفت کے لیے بند کر دیا ہے۔
ملک بھر سے سے مزید