فرمان الہی
نماز کے اوقات
اسلام آباد(نمائندہ جنگ )سمندر پار مقیم پاکستانیوں کی جانب سے بھیجی جانے والی رقوم کی وصولیوں میں رواں مالی سال کے پہلے 7ماہ کے دوران5.1ارب ڈالریعنی32.27فیصدکا نمایاں اضافہ ہوا ہے۔ ایکسچینج کمپنیز ایسوسی ایشن آف پاکستان کے سیکرٹری جنرل ظفر پراچہ نے کہا ہے کہ جاری مالی سال کے پہلے 7ماہ میں جولائی 2024تا جنوری2025کے دوران ترسیلات زر کے محصولات کا حجم 20.9ارب ڈالر تک بڑھ گیا جبکہ گزشتہ مالی سال کے اسی عرصہ کے دوران سمندر پار مقیم پاکستانیوں نے 15.8ارب ڈالر کی ترسیلات کی تھیں۔ انہوں نے مزید کہا کہ ایکسچینج کمپنیاں رواں مالی سال کے پہلے 8ماہ کے دوران بینکوں کو 4 ارب ڈالر کے قریب فروخت کر چکی ہیں اور توقع ہے کہ رمضان المبارک کے اختتام تک مزید ایک ارب ڈالر بینکوں کو فروخت کئے جائینگے جو بہت بڑی کامیابی ہے۔
