• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گمبٹ اسپتال میں باپ کو جگر کا عطیہ کرنیوالی 20 سالہ بیٹی جاں بحق

آج کا اخبار
اہم خبریں
10 مارچ ، 2025
خیرپور(این این آئی)خیرپور کے گمبٹ اسپتال میں والد کو جگر عطیہ کرنیوالی 20سال کی بیٹی جاں بحق ہوگئی، لڑکی کےوالد اور شجاع آباد کے رہائشی رائو خلیل احمد کی طبعیت بھی ناساز۔ اہلخانہ نے ڈاکٹرز پر غفلت کا الزام لگا دیا۔گمبٹ کے پیر سید عبدالقادر شاہ میڈیکل انسٹیٹیوٹ آف ہیلتھ اینڈ سائنسز میں جگر کی پیوندکاری کیلئے پنجاب کے علاقے شجاع آباد کے رہائشی رائو خلیل احمد کو لایا گیا، جہاں ان کی زندگی بچانے کیلئے ان کی 20سال کی بیٹی مقدس نے جگر کا عطیہ دیا۔رپورٹ کے مطابق آپریشن کے بعد مقدس کی طبیعت اچانک خراب ہوئی اور وہ جانبر نہ رہ سکی۔ مقدس کے ماموں کے مطابق اسپتال انتظامیہ اور ڈاکٹروں کی غفلت کی وجہ سے مقدس کا انتقال ہوا ہے، رات کے 2 بجے ڈاکٹروں نے فون کرکے کہا کہ لڑکی کو لے جائو اور جب ہم پہنچے تو لڑکی کی لاش ہمارے حوالے کردی۔مریض کے اہلخانہ کے مطابق مقدس کے والد کی بھی طبیعت ناساز ہے۔اسپتال کے ڈائریکٹر رحیم بخش بھٹی کے مطابق واقعے کا علم نہیں، 200 آپریشن میں سے ایک کیس ایسا ہوجاتا ہے، تاہم معاملے کی تفتیش کررہے ہیں۔
اہم خبریں سے مزید