فرمان الہی
نماز کے اوقات
بالی ووڈ کی مشہور اداکارہ اور مس ورلڈ 1994 ایشوریا رائے دنیا کی حسین ترین خواتین میں شمار کی جاتی ہیں۔ حال ہی میں چہرے کا تجزیہ کرنے والےایک ٹول نے ان کی خوبصورتی کا تجزیہ کیا اور ان کے چہرے کی نسوانی خصوصیات کو ان کی غیر معمولی کشش کی بنیادی وجہ قرار دیا۔
آسٹریلیوی ادارے Qoves Studio کے تازہ ترین پوسٹ میں ایک ویڈیو میں ایشوریا کے چہرے کی تفصیلات بیان کی گئیں۔ ویڈیو کے وائس اوور میں بتایا گیا کہ ان کے چہرے کی خوبصورتی کا معیار فیس ایستھیٹک لٹریچر میں اچھی طرح سے بیان کیا گیا ہے، جو انہیں خاص طور پر پرکشش بناتا ہے۔
انکے چہرے کی نمایاں خصوصیات میں خوبصورت خمیدہ بھنویں، Low Hairline، بھرا ہوا گلابی لب اور انتہائی بڑی آنکھیں، سیدھا اور چپٹا ماتھا جو چہرے کو ایک خاص خوبصورتی فراہم کرتا ہے۔
ماہرین کے مطابق، چہرے کی نسوانیت خواتین کی خوبصورتی کا ایک بنیادی عنصر ہے اور ایشوریا کا چہرہ دنیا کے سب سے زیادہ نسوانی چہروں میں سے ایک ہے، یہی وجہ ہے کہ انہیں حسین خاتون سمجھا جاتا ہے۔
اس تجزیے کے بعد مداحوں نے ایشوریا رائے کی خوبصورتی کی تعریفوں کے پل باندھ دیے۔ ایک مداح نے تبصرہ کیا، "وہ آج بھی سب سے زیادہ حسین ہیں"، ایک اور نے لکھا، "یہ خاتون ہمیشہ ایک آئیکون رہیں گی۔"
ایک اور صارف نے کہا، "وہ واقعی حیران کن حد تک خوبصورت ہیں" جبکہ ایک مداح نے تبصرہ کیا، "وہ صرف چہرے کی خوبصورتی کی وجہ سے نہیں جانی جاتی، بلکہ وہ ایک باصلاحیت اداکارہ، بہترین رقاصہ اور ایک مہربان انسان ہیں، جنہوں نے معاشرے کےلیے بےشمار خدمات انجام دی ہیں۔"
ایشوریا رائے نے 1997 میں مانی رتنم کی تامل فلم ایروور سے اپنے فلم کیریئر کا آغاز کیا۔ اسی سال ان کی پہلی بالی ووڈ فلم اور پیار ہوگیا بھی ریلیز ہوئی۔
بعدازاں انہوں نے ہم دل دے چکے صنم، دیوداس اور جودھا اکبر جیسی سپر ہٹ فلموں میں کام کرکے اپنی شناخت بنائی۔
