فرمان الہی
نماز کے اوقات
سحری میں کچھ نیا آزمائیں اور اپنے دسترخوان کو مزیداز ’عراقی مرغ‘ سے سجائیں۔
ثابت دھنیا 2 کھانے کے چمچ، زیرہ 2 کھانے کے چمچ، ثابت کالی مرچ 2 کھانے کے چمچ، چھوٹی الائچی 6 عدد، خشک سرخ مرچ 4 عدد، کباب چینی 4 عدد، لونگ 4 عدد، کڑی پاؤڈر 1 کھانے کا چمچ، پسی ہوئی دار چینی 1 کھانے کا چمچ، پسی ہوئی ادرک 2 کھانے کا چمچ، تازہ پسا جائفل ڈیڑھ چمچ، پسی ہوئی میتھی 1 چائے کا چمچ، لہسن کے جوئے (پیسٹ بنالیں) 8 عدد، نمک اور تازہ پسی کالی مرچ حسب ذائقہ، مرغ کے2 بڑے ٹکڑے جن کا وزن تقریباً ڈیڑھ کلو ہو۔
سب سے پہلے ثابت دھنیا، زیرہ، کالی مرچ، چھوٹی الائچی، سرخ مرچ، کباب چینی، لونگ وغیرہ کو توے پر اتنا بھونیں کہ ان میں سے خوشبو آنے لگے پھر توے سے اتارنے کے بعد 1 یا 2 منٹ ٹھنڈا ہونے دیں اور پھر گرائنڈر میں پیس لیں۔
اب ایک بڑے پیالے میں کڑی پاؤڈر، دارچینی سفوف، پسی ادرک، جائفل، میتھی، لہسن، نمک اور کالی مرچ ڈال کر ملائیں اور مرغ بھی شامل کرلیں۔
اچھی طرح مصالحہ لگانے کرنے کے بعد اسے ڈھک کر فریج میں رکھ اور 24 گھنٹے تک میرینیٹ کریں پھر عراقی مرغ پکانے کے لیے کوئلہ گرل گرم کیجیے اور اس پر مرغ بھون لیجیے۔
گرل کرنے کے دوران مرغ کو پلٹنا بہت ضروری ہے، تاکہ مرغ ہر طرف سے اچھی طرح پک جائے، تقریباً 45 منٹ میں یہ پک جائے گا۔
اس کے بعد عراقی مرغ کو نان یا پراٹھے کے ساتھ سحری میں نوش کریں!
