• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاپتہ بھائیوں کی عدم بازیابی پر سیکرٹری دفاع سے رپورٹ طلب

میرا شہر
اسلام آباد
28 مارچ ، 2025
اسلام آباد (خبر نگار) اسلام آباد ہائیکورٹ نے دو لاپتہ بھائیوں کی بازیابی کی درخواست پر سیکرٹری دفاع سے رپورٹ طلب کر لی۔ دوران سماعت آئی جی پولیس نے اسلام آباد ہائیکورٹ کو بتایا کہ اسپیشل تحقیقاتی ٹیم بنا کر خود اس معاملے کو سپروائز کیا لیکن اب تک لاپتہ بھائیوں کا کچھ پتہ نہیں چل سکا۔ ایمان مزاری ایڈوکیٹ نے کہا ہم نے وزارت داخلہ کے ماتحت خفیہ اداروں پرالزام لگایا ہے ، کیا سیف ہاؤسز کو چیک کیا گیا؟جسٹس انعام امین منہاس نے ریمارکس دئیے کہ وزارت دفاع کا جواب آنا اب ضروری ہو چکا ہے، سیکرٹری دفاع آئندہ سماعت پر جواب جمع کرائیں۔ گزشتہ روز اسلام آباد ہائیکورٹ کے جسٹس راجہ انعام امین منہاس نے صحافی احمد نورانی کے دو بھائیوں کی بازیابی کی درخواست پر سماعت کی۔ عدالت نے پوچھا کہ اس کا حل کیا ہے؟ بندے تو لاپتہ ہوئے ہیں؟ آئی جی اسلام آباد نے کہا کہ ہمیں کچھ وقت دیا جائے ہم پوری کوشش کر رہے ہیں۔ عدالت نے سیکرٹری دفاع سے جواب طلب کرتے ہوئے سماعت عید کے بعد تک ملتوی کر دی۔
اسلام آباد سے مزید