• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاق، صوبوں کا دہشت گردی مقدمات جلد نمٹانے، انصاف فراہمی کیلئے اصلاحات لانے پر اتفاق

آج کا اخبار
اہم خبریں
28 مارچ ، 2025
اسلام آباد (نمائندہ جنگ) وفاق اور صوبوں نے دہشت گردی کے مقدمات کو جلد نمٹانے اور انصاف کی فراہمی کیلئے اصلاحات متعارف کرانے پر اتفاق کیا ہے۔ گزشتہ روز وزیر اعظم کی ہدایت پر نظرثانی شدہ نیشنل ایکشن پلان کے تحت قائم کردہ کمیٹی کا پہلا اجلاس منعقد ہوا۔وزیر قانون کے مطابق لیگل ریفارمز پر کام کیا جائیگا،صوبوں میں عدلیہ کو تحفظ فراہم کیا جائے تاکہ ججز بنا کسی پریشر کے فیصلے کر سکیں ،پراسیکیوٹرز ،انوسٹی گیشن آفیسرز کی ٹریننگز پر زور، یہ کمیٹی انسداد دہشت گردی، پرتشدد انتہا پسندی کے جائزے اور قانونی خلا کو پُر کرنے کیلئے تشکیل دی گئی تھی۔ وفاقی وزیر قانون کی زیرِ صدارت صوبائی وزرائے قانون اور فیڈرل سیکرٹری قانون نے اجلاس میں شرکت کی ۔ تمام صوبائی نمائندوں نے وفاقی حکومت کی جانب سے کریمنل ریفارمز کو سراہا۔ اجلاس میں طے کیا گیا کہ باہمی مشاورت کے ساتھ ہنگامی بنیادوں پر لیگل ریفارمز پر کام کیا جائے گا۔ انصاف کی فراہمی کیلئے اصلاحات متعارف کرائی جائیں گی تاکہ دہشت گردی سے متعلق کیسز کا جلد سے جلد فیصلہ ہو سکے۔ وزیر قانون نے کہا کہ صوبوں میں عدلیہ کو تحفظ فراہم کیا جائے تاکہ ججز بنا کسی پریشر کے فیصلے کر سکیں۔
اہم خبریں سے مزید