• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معیار پر پورا نہ اترنے والی 392 بیج کمپنیاں فوری طور پر بند کرنے کا فیصلہ

آج کا اخبار
اہم خبریں
28 مارچ ، 2025
اسلام آباد (رپورٹ حنیف خالد )معیارات پر پورا نہ اترنے والی 392 بیج کمپنیوں کو فوری طور پر بند کرنے کا فیصلہ کیا گیا ہے ۔ وفاقی وزیر برائے قومی غذائی تحفظ و تحقیق رانا تنویر حسین نے کہا ہے کہ مشکل فیصلے ہی زراعت کے شعبے میں بہتری،کسانوں کی خوشحالی کی ضمانت ہیں ،ان کی زیر صدارت نیشنل سیڈ ڈیولپمنٹ اینڈ ریگولیٹری اتھارٹی (NSDRA) کے بورڈ آف گورنرز کا دوسرا اجلاس ہوا۔ اجلاس میں وزیرِاعظم محمد شہباز شریف کے وژن کے مطابق ملک بھر میں معیاری بیجوں کی فراہمی پر خصوصی توجہ دینے کا اعادہ کیا گیا۔ اجلاس میں بیجوں کے معیار کو بہتر بنانے کے لئے سخت اقدامات کا فیصلہ کیا گیا اور اس بات پر زور دیا گیا کہ تصدیق شدہ بیجوں کی دستیابی اولین ترجیح ہونی چاہیے۔ وفاقی وزیر نے اس عزم کا اظہار کیا کہ حکومت زرعی شعبے میں معیارات کے سخت نفاذ کے لئے پرعزم ہے۔ اجلاس میں بیج کمپنیوں کے تھرڈ پارٹی آڈٹ پر تبادلہ خیال کیا گیا۔
اہم خبریں سے مزید