• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشوریا رائے کی گاڑی کو بس کی ٹکر، سکیورٹی گارڈ نے ڈرائیور کو تھپڑ جڑ دیا

آج کا اخبار
اہم خبریں
28 مارچ ، 2025
ممبئی (آئی این پی) بالی ووڈ سپر اسٹار ایشوریا رائے بچن کی لگژری گاڑی کو ممبئی کے علاقے جوہو میں بس نے ٹکر ماردی ،جس کی ویڈیو بھی سامنے آگئی۔بھارتی میڈیا کے مطابق ممبئی میں ایشوریا رائے کی گاڑی کو ٹکر لگتے ہی سڑک پر ہجوم ہوگیا، جب کہ اداکارہ کے باڈی گارڈز گاڑی سے باہر نکل آئے۔سوشل میڈیا پر وائرل ویڈیو میں دیکھا جاسکتا ہے کہ ایشوریا رائے کی گاڑی کو ایک بڑی لال رنگ کی بس نے پیچھے سے ٹکر ماری، ایشوریا اس وقت گاڑی میں موجود نہیں تھیں، جب کہ گاڑی کا کوئی بڑا نقصان نہیں ہوا۔ حادثے کے بعد جوہو تارا روڈ پر میگا اسٹار امیتابھ بچن کی رہائش گاہ کے قریب ایک بنگلے سے سکیورٹی گارڈ باہر آیا اور بس ڈرائیور کو تھپڑ مار دیا۔بعدازاں پولیس کے جائے وقوعہ پر پہنچنے پر بنگلے کے نگران عملے نے بس ڈرائیور سے معافی مانگی اور واقعے کی کوئی ایف آئی آر درج نہیں کی گئی۔
اہم خبریں سے مزید