• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک روس فریٹ پائلٹ ٹرین منصوبہ 31 مارچ کو شروع ہوگا، وزیر خزانہ

آج کا اخبار
اہم خبریں
28 مارچ ، 2025
اسلام آباد(نمائندہ جنگ)وزیرخزانہ سینیٹر محمد اورنگزیب نے روس کیساتھ اقتصادی اور تجارتی تعلقات کو مضبوط بنانے کےعزم کا اعادہ کرتے ہوئے کہاہے کہ ایران کے راستے پاکستان روس فریٹ پائلٹ ٹرین منصوبہ شمال جنوب ٹرانسپورٹ کوریڈور کے تحت 31مارچ 2025کو شروع ہو گا،انہوں نے ان خیالات کا اظہار بواؤ فورم برائے ایشیا کانفرنس کے موقع پر رشین فیڈریشن کے نائب وزیر اعظم الیکسی اوورچک سے ملاقات میں کیا چین کے شہر بواؤ میں منعقدہ ملاقات میں دونوں رہنماؤں نے اقتصادی، تجارتی تعلقات اور سرمایہ کاری مضبوط بنانے کے عزم کا اعادہ کیااور توانائی، تجارت و صنعتی تعاون کے شعبوں میں تعلقات کو وسعت دینے پر زور دیا،ملاقات کے دوران ماسکو میں منعقدہ پاکستان روس بین الحکومتی کمیشن کے9ویں اجلاس کے دوران ہونیوالی اہم پیشرفت کا اعادہ ہوا، توانائی کے شعبے میں تعاون کو مضبوط بنانے پربھی گفتگو ہوئی، وزیرخزانہ نے خام تیل کی خریداری اور تیل و گیس کی تلاش میں سرمایہ کاری کو بڑھانے میں دلچسپی کا اظہار کیا۔
اہم خبریں سے مزید