• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حادثات میں 54 فیصد اموات موٹرسائیکل والوں کی ہوئیں، شہری احتیاط کریں، میئر

آج کا اخبار
ملک بھر سے
30 مارچ ، 2025
کراچی (اسٹاف رپورٹر ) میئر کراچی بیر سٹر مرتضیٰ وہاب نے کہا ہے کہ چند ماہ کے دوران حادثات میں 54فیصد اموات موٹر سائیکل والوں کی ہوئیں۔ میئر کراچی نے تلقین کی کہ شہری تیزی سے موٹر سائیکل چلانے میں احتیاط کریں! میئر نے کہا کہ مثبت سوچ کے ساتھ آگے بڑھ رہے ہیں، ماضی میں ہر چیز پر چائنا کٹنگ ہوئی جس سے شہر کے مسائل میں اضافہ ہوا ہے،کراچی میں 14ہزار ٹن کچرا یومیہ اٹھایا جاتا ہے، ضلع وسطی میں صفائی ستھرائی کے لیے نئ مشینری اور سامان فراہم کر رہے ہیں جس سے عملے کی کارکردگی میں اضافہ ہوگا۔ وہ سندھ سالڈویسٹ مینجمنٹ بورڈ کے زیر اہتمام منعقدہ تقریب سے خطاب کررہے تھے۔ ڈپٹی مئیر سلمان عبداللہ مراد اور منیجنگ ڈائریکٹر( ایم ڈی) سالڈویسٹ طارق نظامانی اور متعلقہ افسربھی اس موقع پر موجود تھے۔مرتضیٰ وہاب نے کہا کہ جو شخص اختیارات ہمیں دے رہا تھا وہ خود اختیار مانگ رہا ہے، جو گورنر صاحب کا حال ہے وہی گورنر ہاؤس کے باہر لگی امید کی گھنٹی کا حال ہے، ہم کچرے سے50 میگا واٹ بجلی،گیس اور آر ڈی ایف کے منصوبے پر کام کر رہے ہیں، کراچی میں روزانہ 14ہزار ٹن کچرا پیدا ہو رہا ہے،مختلف علاقوں سے 10ہزار ٹن کچرا اٹھانے کی ذمے داری سالڈ ویسٹ کی ہے۔انہوں نے کہا کہ 1988 ءسے 2024 ءتک ضلع میں ایک سیاسی جماعت کا کنٹرول رہا، لوگ یہاںسے اٹھ کر کہاں کہاں چلے گئے! مگر یہ ضلع پیچھے رہ گیا، تاریخ میں پہلی بار کراچی کی میئر شپ پاکستان پیپلزپارٹی کو ملی، ہمارا وعدہ ہے اختیارات اور وسائل کا رونا نہیں روئیں گے۔
ملک بھر سے سے مزید