• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سرکاری ہسپتالوں میں مریضوں کی خدمت کرنے والے ڈاکٹرز، نرسز اور پیرا میڈیکل اسٹاف کو شاباش، خواجہ عمران نذیر

میرا شہر
لاہور
03 اپریل ، 2025
لاہور(جنرل رپورٹر)صوبائی وزرائے صحت خواجہ سلمان رفیق اور خواجہ عمران نذیر عیدالفطر کے موقع پر گنگارام ہسپتال لاہور پہنچ گئے۔ اس موقع پر پارلیمانی سیکرٹری رشدہ لودھی، وائس چانسلر فاطمہ جناح میڈیکل یونیورسٹی پروفیسر خالد مسعود گوندل، ایم ایس ڈاکٹر عارف افتخار و دیگر فیکلٹی ممبران موجود تھے۔ صوبائی وزرائے صحت نے گنگارام ہسپتال میں کیک کاٹا اور مختلف وارڈز میں مریضوں کو تحائف پیش کئے۔ اس موقع پر صوبائی وزیر صحت خواجہ سلمان رفیق نے کہا ہے کہ عیدالفطر کے موقع پر سرکاری ہسپتالوں میں مریضوں کی خدمت کرنے والے ڈاکٹرز، نرسز اور پیرا میڈیکل اسٹاف کو خراج تحسین پیش کرتے ہیں۔ گنگارام ہسپتال لاہور میں مریضوں کے ہمراہ عیدالفطر کی خوشیاں بانٹنے آئے ہیں۔ اللہ تعالیٰ سے دعا ہے کہ ہمیں ملک و قوم کی حقیقی معنوں میں خدمت کرنے کی توفیق عطاء فرمائے۔ وزیر اعلیٰ پنجاب مریم نواز شریف کے ویژن کے مطابق عوام تک صحت کی بہترین سہولیات کی فراہمی کیلئے کوشاں ہیں۔ اس موقع پر صوبائی وزیر صحت خواجہ عمران نذیر نے کہا ہے کہ وزیر اعلیٰ پنجاب مریم نواز شریف کی ہدایت پر گنگارام ہسپتال لاہور میں بچوں کے ہمراہ عیدالفطر کی خوشیاں بانٹنے آئے ہیں۔ اپنے پیاروں سے دور سرکاری ہسپتالوں میں مریضوں کی خدمت کرنے والے ڈاکٹرز، نرسز اور پیرا میڈیکل اسٹاف کو شاباش دیتے ہیں۔
لاہور سے مزید