• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آفاق احمد سے تاجروں کی ملاقات،حمایت اور تعاون کی یقین دہانی

آج کا اخبار
اہم خبریں
07 اپریل ، 2025
کراچی(نیوز ڈیسک) چیئر مین آفاق احمد کی رہائشگاہ پر اتوار کے روز بھی تاجربرادری،علماء کرام اور مختلف برادریوں کے سربراہان نے وفود کی شکل میں آفاق احمدسے انکی رہائشگاہ پرملاقات کی جبکہ 12اپریل کے یکجہتی مظاہرے کی مکمل حمایت اور تعاون کا یقین دلایا جس پر آفاق احمد نے تمام افراد کا دل کی گہرائیوں سے شکریہ ادا کیا۔ آفاق احمد نے کہا کہ 12اپریل کو عوام مجھ کو نہیں میں عوام کو جوائن کرو نگا،سفید کپڑا تحریک کسی پارٹی، قومیت یا فرقہ کی نہیں بلکہ کراچی میں بسنے والی تمام اکائیوں کی آواز ہے جو کراچی سے محبت کرتے ہیں اور کراچی کوہی اپناشہر مانتے ہیں۔آفا ق احمد نے کہا کہ سفید پرچم کراچی کی مظلوم عوام کی نمائندگی کریگااور 12اپریل کو کراچی ثابت کریگا کہ ہم غلام یا مردہ نہیں بلکہ زندہ قوم ہیں، جو اپنی آنے والی نسلوں کے روشن و محفوظ مستقبل کیلئے کسی بھی طوفان سے ٹکرانے کی صلاحیت رکھتی ہے۔ آفاق احمد نے کہا توار کو ڈسٹرکٹ سینٹرل کے آفس کا افتتاح ہونا تھا جہاں عید کی تعطیلات کے سبب تعمیراتی کام مکمل نا ہوسکا جسکا باقاعدہ افتتاح آئندہ چند روزمیں کردیا جائیگا۔
اہم خبریں سے مزید