• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم 10 اپریل کو بیلاروس کا دورہ کرینگے

آج کا اخبار
اہم خبریں
07 اپریل ، 2025
اسلام آباد(این این آئی) وزیراعظم شہباز شریف 10اپریل بروز جمعرات بیلاروس کا دورہ کرینگے۔ شہباز شریف کے ہمراہ وزیراعلیٰ پنجاب مریم نواز اور سینئر وزیر مریم اورنگزیب بھی بیلاروس جائیں گی۔وزیراعظم 10 اپریل کو بیلاروس کے صدر کے ساتھ ملاقات کرینگے اورپھر پاکستان واپس آئینگے۔ بیلاروس سے واپس آکر وزیراعظم شہباز شریف، نواز شریف کے ہمراہ لندن جائینگے۔ شہباز شریف لندن سے واپس آجائینگے تاہم نواز شریف لندن میں دو ہفتے گزاریں گے۔ نواز شریف لندن میں اپنا طبی معائنہ کروائینگے۔وزیراعلیٰ پنجاب مریم نواز بیلاروس کا دورہ ختم کرکے 11 اپریل کو ترکیہ چلی جائیں گی جبکہ مریم نواز کے ہمراہ مریم اورنگزیب بھی بیلاروس سے ترکیہ جائیں گی۔وزیراعلیٰ پنجاب مریم نواز 12 اپریل کو چوتھے اناطولیہ ڈپلومیٹک فورم سے خطاب کریں گی اور 13 اپریل کو اناطولیہ ڈپلومیٹک فورم میں متفقہ قرارداد کے بعد واپس آئیں گی۔
اہم خبریں سے مزید