فرمان الہی
نماز کے اوقات
صبور علی کی بیٹی کی پیدائش کے فوراً بعد وزن میں حیران کن کمی دیکھ کر انٹرنیٹ صارفین دنگ رہ گئے۔
پاکستانی اداکارہ صبور علی اور ان کے شوہر علی انصاری شوبز کی دنیا کی مقبول جوڑی ہیں جن کی شادی کو مداحوں نے خوب سراہا ہے۔
یہ خوبصورت جوڑی والدین بن چکی ہے، جب انہوں نے اپنی بیٹی سرینا علی کو 18 مارچ کو خوش آمدید کہا۔
اس جوڑی نے اپنی بیٹی کے ساتھ پہلی عید بھی نہایت خوشی سے منائی اور اس موقع پر ایک خوبصورت فیملی تصویر بھی شیئر کی۔
حال ہی میں صبور علی اپنے شوہر کے ہمراہ یاسر حسین کے تھیٹر شو منکی بزنس کے لیے پہنچیں، سرخ رنگ کی ٹاپ اور جینز میں ملبوس صبور علی نہایت فٹ اور پرکشش نظر آئیں، جس نے ہر کسی کو حیران کر دیا۔
صرف چند ہفتوں میں ڈیلیوری کے بعد ان کی جسمانی تبدیلی نے انٹرنیٹ پر ہلچل مچا دی، جس پر سوشل میڈیا صارفین حیرت کا اظہار کرتے ہوئے دکھائی دیے۔
ان کی تصویر وائرل ہونے کے بعد مداحوں کی بڑی تعداد نے ان کی فٹنس، خود اعتمادی اور خوبصورتی کو خوب سراہا ہے۔
