فرمان الہی
نماز کے اوقات
کینیڈین گلوکار جسٹن بیبر کی کافی شاپ کے باہر تصاویر بنانے کے لیے آنے والے فوٹو گرافرز کے ساتھ کی گئی بدسلوکی کی ویڈیو وائرل ہو گئی۔
سوشل میڈیا پر تیزی سے وائرل ہوتی ویڈیو میں معروف گلوکار جسٹن بیبر کو پاپارازی فوٹوگرافرز پر غصے کا اظہار کرتے ہوئے دیکھا جا سکتا ہے، اس ویڈیو میں جسٹن بیبر ماضی کی طرح ایک بار پھر خستہ حال نظر آئے ہیں۔
غیر ملکی میڈیا کی رپورٹس کے مطابق 31 سالہ جسٹن بیبر جب ایک کافی شاپ پر اپنے دوستوں کے ساتھ پہنچے تو وہاں پہلے سے موجود فوٹو گرافرز کو دیکھ کر برہم ہو گئے۔
ویڈیو میں دیکھا جا سکتا ہے کہ ایک فوٹوگرافر کے جسٹن کو ’گڈ مارننگ‘ کہنے پر گلوکار نے اس پر غصے کا اظہار کرتے ہوئے بدتمیزی سے جواب دیا۔
جسٹن بیبر نے فوٹوگرافر سے بار بار کہا کہ نہیں، گڈ مارننگ نہیں، تمہیں پتہ ہے تم یہاں کیوں آئے ہو؟ پیسہ، پیسہ، پیسہ، تم لوگوں کو صرف پیسہ چاہیے، تمہیں انسانیت کی کوئی پرواہ نہیں۔
ویڈیو دیکھ کر ان کے مداحوں سمیت صارفین حیران ہیں اور ان کی ذہنی صحت پر سوال اٹھا رہے ہیں۔
جسٹن بیبر کی اس ویڈیو کو سوشل میڈیا پلیٹ فارمز پر خوب شیئر کیا جا رہا ہے جس پر صارفین اپنی اپنی رائے کا اظہار کر رہے ہیں۔
صارفین کا کہنا ہے کہ شخصیات کو معروف صحافی ہی بناتے ہیں، معروف ہونے سے قبل فنکار پیسے دی کر انہیں تصویریں بنوانے کے لیے بلاتے ہیں، مشہور ہونے کے بعد یہی فنکار انہیں دھتکارنے لگتے ہیں۔
یاد رہے کہ اس سے قبل فروری میں بھی کینیڈین گلوکار جسٹن اپنی اہلیہ ہیلی بیبر کے برانڈ کے ایونٹ میں بے چینی کا شکار دکھائی دیے تھے۔
جسٹن بیبر کے قریبی ذرائع کا کہنا ہے کہ گلوکار کی اہلیہ ہیلی بیبر ان کے لیے کافی فکرمند ہیں مگر یہ واضح نہیں معلوم کہ جسٹن ایسی عجیب حرکات کیوں کر رہے ہیں۔
