• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈی جی خان، پولیس، سی ٹی ڈی اور رینجرز کی کارروائی، 2 خوارجی ہلاک

آج کا اخبار
ملک بھر سے
24 اپریل ، 2025
راولپنڈی (سٹاف رپورٹر) پنجاب ،خیبر پختونخوا کے بارڈر پر ڈیرہ غازی خان پولیس، سی ٹی ڈی اور رینجرز سے مقابلہ کے دوران 2خوارجی دہشت گردہلاک ہوگئے ،متعدد زخمی، دہشت گرد راکٹ، ہینڈ گرنیڈ اور دیگر بھاری اسلحہ سے لیس تھے،،ترجمان پنجاب پولیس کے مطابق متعدد زخمی بھی ہوئے ، پٹرولنگ پر مامور پولیس، رینجرز، سی ٹی ڈی ٹیموں نے دہشت گردوں کی موجودگی کی اطلاع پر فوری ایڈوانس ایکشن کیا جس کے بعد پولیس ٹیموں کا تھانہ وہوا کے علاقہ کوتانی تل میں خوارجی دہشت گردوں سے سامنا ہوا، خوارجی دہشت گرد راکٹ، ھینڈ گرنیڈ اور دیگر بھاری اسلحہ سے لیس تھے۔ پولیس، رینجرز اور سی ٹی ڈی کے جوانوں نے جوانمردی سے بھرپور مقابلہ کیا، پولیس ٹیموں کی بھرپور کارروائی سے دہشت گرد جھاڑیوں اور ٹیلوں کی اوٹ لے کر فرار ہو گئے، ایلیٹ اہلکار عدنان حبیب اور سی ٹی ڈی اہلکار غضنفر معمولی زخمی ہوئے۔ آئی جی پنجاب ڈاکٹر عثمان انور نے دہشتگردوں کو جہنم واصل کرنے پر ڈی جی خان پولیس کو شاباش دی ہے۔
ملک بھر سے سے مزید