فرمان الہی
نماز کے اوقات
اسلام آباد (خصوصی نامہ نگار )عالمی یوم آزادئ صحافت کے موقع پر 3مئی کو پاکستانی صحافیوں کیلئے پی ایف یو جے کا بڑا تحفہ۔ پاکستان فیڈرل یونین آف جرنلسٹس نے پاکستان کی صحافتیتاریخ میں پہلی مرتبہ جرنلسٹ الرٹ کے نام سے ایک ایپ تیار کی ہے جس کی لانچنگ عالمی یوم آزادئ صحافت کے موقع پر 3مئی کو نیشنل پریس کلب اسلام آباد میں ہو گی۔ اس ایپ کا ایک ایڈمن مرکز میں جبکہ مختلف یوجیز یا صوبوں میں بھی اس کے علاقائی ایڈمن مقرر کئے جائیں گے۔ اگر اس ایپ میں رجسٹرڈ ہونے والے صحافی کو اغوا کی کوشش کی جاتی ہے، گرفتار کیا یا تشدد کا نشانہ بنایا جاتا ہے، نامعلوم لوگ اس کا پیچھا کرتے ہیں یا وہ ملک کے کسی بھی حصے میں ٹریفک حادثے یا بیماری کا شکار ہو جاتا ہے اس کے گھر میں کوئی واردات ہوتی ہے تو جرنلسٹ الرٹ پر دیا گیا بٹن دباتے ہی پی ایف یو جے کے مرکزی ایڈمن اور ملک کے جس علاقے میں وہ موجود ہو گا وہاں کے علاقائی ایڈمن کے پاس اس کی لوکیشن آ جائے گی تاکہ اس کی مدد کرنے میں آسانی ہو۔
