• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مسافروں کی سہولت کیلئے بی آر ٹی سروس کے 3 روٹس کے اوقات کار میں اضافہ

میرا شہر
پشاور
29 اپریل ، 2025
پشاور(وقائع نگار)مسافروں کی سہولت کے پیش نظر، ٹرانس پشاور نے بس سروس کے اوقات کار میں توسیع کر دی ہے۔ نئے اوقات کار کے مطابق تین روٹس پر شام کے سروس کے دورانیے میں اضافہ کر دیا گیا ہے۔ ان میں روٹ DR-13 (سردار گڑھی تا پبی)، DR-14 (بورڈ تا ریگی ماڈل ٹاؤن) اور DR-14A (بورڈ تا پروفیسر ماڈل ٹاؤن) شامل ہیں۔ توسیع کے بعد پبی روٹ پر سردار گڑھی سے آخری بس شام 6:15 بجے کے بجائے 7:30 بجے روانہ ہوگی جبکہ پبی ٹرمینل سے آخری بس7:00 بجے کے بجائے 8:15 بجے روانہ ہو گی۔ اسی طرح ناصر باغ روڈ کے دونوں روٹس پر آخری بس شام 7:15 کے بجائے شام 7:30 بجے روانہ ہوگی۔ ۔ اس توسیع سے پبی روٹ پر 5 اضافی بسیں جبکہ ناصر باغ روڈ کے دونوں روٹس پر ایک ایک اضافی بس چلائی جائے گی۔ اوقات کار میں توسیع کا فیصلہ موسم گرما کے آغاز کے ساتھ شام کے وقت مسافروں کی بڑھتی تعداد کو مدنظر رکھتے ہوئےکیا گیا ہے۔ ٹرانس پشاور مسافروں کی آراء اور ضروریات کو مدنظر رکھتے ہوئے سروسز میں بہتری کے لیے پُرعزم ہے۔ مزید معلومات کے لیے مسافر زو موبائل ایپ، سوشل میڈیا پلیٹ فارمز یا ہیلپ لائن سے رابطہ کر سکتے ہیں۔
پشاور سے مزید