فرمان الہی
نماز کے اوقات
فہد مصطفیٰ نے کہا ہے کہ مشہور ڈرامے کبھی میں کبھی تم کا سیکوئل کبھی نہیں بننے دوں گا۔
پاکستان کے صفِ اول کے اداکار، میزبان اور پروڈیوسر فہد مصطفیٰ نے حالیہ انٹرویو میں اپنے شہرہ آفاق ڈرامہ سیریل "کبھی میں کبھی تم" کے سیکوئل سے متعلق تمام افواہوں کو دوٹوک انداز میں ختم کر دیا۔
فہد مصطفیٰ نے کئی یادگار ڈراموں میں اپنی صلاحیتوں کا لوہا منوایا، 2014ء کے بعد ٹی وی سے کنارہ کش ہو گئے لیکن ان کی شاندار واپسی ڈرامہ "کبھی میں کبھی تم" کے ذریعے ہوئی، جس نے مقبولیت اور پذیرائی کے نئے ریکارڈز قائم کیے۔
فہد مصطفیٰ نے نجی ٹی وی کے مشہور کرکٹ شو میں شرکت کی، اس دوران انہوں نے "کبھی میں کبھی تم" کے سیکوئل سے متعلق مداحوں کی امیدوں پر صاف اور واضح موقف اختیار کیا۔
انہوں نے کہا کہ میں کبھی بھی اس ڈرامے کا سیکوئل بننے نہیں دوں گا، یہ ایک مکمل کہانی ہے جو اپنے انجام کو پہنچ چکی ہے، اسے چھیڑنا زیادتی ہوگی۔ بعض کہانیاں وہیں رہنے دی جائیں تو بہتر ہوتا ہے اور یہی اصل کامیابی کی علامت ہے۔
فہد مصطفیٰ کے اس بیان کے بعد سوشل میڈیا پر مداحوں کی مختلف آراء سامنے آ رہی ہیں، کچھ لوگ ان کے فیصلے کو سراہا رہے ہیں کہ انہوں نے فن کو تجارتی فائدے پر ترجیح دی، جبکہ کچھ شائقین افسردہ ہیں کیونکہ وہ اس محبت بھری کہانی کو دوبارہ دیکھنے کے خواہاں تھے۔
