فرمان الہی
نماز کے اوقات
پشاور (ارشد عزیز ملک ) خیبر پختونخوا میں 40 ارب روپے کے مالی اسکینڈل کی ہوشربا تفصیلات سامنے آ رہی ہیں۔ آڈٹ ڈیپارٹمنٹ کی جانب سے مالی سال 2023-24 کے دوران کی گئی چھان بین میں 21ارب روپے سے زائد کی مشکوک ادائیگیوں اور مالی بے ضابطگیوں کا انکشاف ہوا تھاآڈٹ کے دوران جب ان ادائیگیوں کا موازنہ سی اینڈ ڈبلیو ڈویژن کوہستان اپر کے اصل کھاتوں سے کیا گیا تو یہ رقوم وہاں موجود نہیں تھیں۔ مزید تحقیقات سے معلوم ہوا کہ یہ ادائیگیاں نہ صرف متعلقہ کھاتوں میں غائب تھیں بلکہ متعلقہ ڈویژن کی طرف سے جاری کردہ عام چیکس کی فہرست میں بھی ان کا کوئی اندراج موجود نہیں تھا۔جن کے بارے میں محکمہ مواصلات و تعمیرات کو باقاعدہ طور پر آگاہ کیا گیا، لیکن تاحال کوئی کارروائی عمل میں نہیں لائی گئی۔ محکمے کی جانب سے صرف اتنا کہا گیا کہ “جواب بعد میں دیا جائے گا”، جس نے شفافیت، جوابدہی اور احتساب پر سنگین سوالات کھڑے کر دیے ہیں۔دستاویزات سے معلوم ہوتا ہے اس اکائونٹ کو ٹھیکیداروں کی 2 فیصد ارنسٹ منی اور ریٹینشن منی کے لئے استعمال کیا جاتا تھا اس حوالے سے اکائونٹ کے استعمال کا طریقہ کا پہلے سے طے شدہ تھا ، وزیر اعلیٰ سیکرٹریٹ کی جانب سے جاری کردہ مراسلہ نمبر SOVI/CMS/KPK/1-13/2016 مؤرخہ 8 اپریل 2016 میں واضح طور پر درج ہے کہ ٹھیکیداروں کی جمع کردہ 2 فیصد ارنست منی (Earnest Money) اُس وقت تک واپس نہیں کی جائے گی۔
