• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لکی مروت، پولیس چوکی پرایک اور حملہ ناکام، 2 دہشتگرد ہلاک

آج کا اخبار
اہم خبریں
05 مئی ، 2025
لکی مروت (آئی این پی )خیبرپختونخوا کے ضلع لکی مروت میں پولیس چوکی شاہ طورہ تختی خیل پر دہشت گردوں نے حملہ کر دیا، جوابی کارروائی میں 2 دہشت گرد ہلاک ہوگئے۔ہلاک ے دہشت گردوں کے قبضے سے جدید غیرملکی اسلحہ برآمد ہوا، پولیس حکام کے مطابق شاہ طورہ تختی خیل پولیس چوکی پر دہشت گردوں نے حملہ کیا جسے اہلکاروں نے فوری کارروائی کرکے ناکام بنا دیا۔لکی مروت پولیس حکام کا کہنا ہے کہ اہلکاروں کی جوابی فائرنگ میں 2 دہشت گرد موقع پر ہی ہلاک ہوگئے۔ہلاک ہونے والے دہشت گردوں کے قبضے سے جدید غیرملکی اسلحہ برآمد ہوا ہے۔دہشت گردوں کے حملے میں پولیس اہلکار محفوظ رہے، پولیس نے علاقے کو گھیرے میں لے کرسرچ آپریشن شروع کردیا۔پولیس کے مطابق ایم فور رائفل اور ایک 9 ایم ایم پستول قبضے میں لے لیا گیا، آئی جی خیبرپختونخوا نے پر دہشت گرد حملہ ناکام بنانے والے اہلکاروں کی کارکردگی کو سراہتے ہوئے انہیں شاباش دی۔آئی جی کے پی نے دہشت گردوں کا مقابلہ کرنے پر جوانوں کے لییانعامات کا اعلان کیا اور کہا کہ دہشت گردی کے خلاف خیبرپختونخوا پولیس کے حوصلے بلند ہیں۔ یاد رہے کہ اس سے قبل گزشتہ روز بھی خیبر پختونخواہ کے ضلع لکی مروت کی ون فائیو پولیس چوکی گنڈی چوک پر دہشت گردوں نے راکٹ لانچرز سے حملہ کیا تھا، تاہم پولیس کی فوری کارروائی پر دہشت گرد فرار ہوگئے۔پولیس اور دہشت گردوں کے درمیان فائرنگ کے تبادلے میں ایک شہری احمد خان جاں بحق اور چوکی کے قریب مارکیٹ کا چوکیداراور پولیس اہلکار زخمی ہوگئے۔
اہم خبریں سے مزید