فرمان الہی
نماز کے اوقات
بلوچستان کے ضلع قلعہ عبداللّٰہ میں ایف سی قلعے کے قریب دھماکا ہوا ہے، جس میں 4 افراد شہید اور 20 زخمی ہوئے ہیں۔
ڈپٹی کمشنر ریاض خان کا کہنا ہے کہ دہشت گرد بظاہر ایف سی قلعے کی دیوار کو اڑانا چاہتے تھے، دھماکے میں 20 افراد زخمی ہوئے ہیں، جنہیں مختلف اسپتالوں میں منتقل کر دیا گیا ہے۔
ریاض خان نے کہا کہ دھماکے سے متعدد گاڑیاں اور دکانیں تباہ ہوئی ہیں، ایف سی قلعے کی عقبی دیوار کے ساتھ مارکیٹ بھی ہے، دھماکے کے بعد مسلح افراد اور ایف سی اہلکاروں میں فائرنگ کا تبادلہ ہوا۔
انہوں نے بتایا کہ دھماکے سے جبار مارکیٹ کی متعدد دکانیں گر گئیں، کئی دکانوں میں آگ بھی لگ گئی، دھماکے سے قریبی مارکیٹ میں زیادہ جانی و مالی نقصان ہوا ہے، علاقے میں صحت کی سہولتوں کی کمی کے باعث زخمیوں کو کوئٹہ منتقل کیا جا رہا ہے۔
ڈپٹی کمشنر کا کہنا ہے کہ دھماکے کے وقت قبائلی رہنما حاجی فیض اللّٰہ خان غبیزئی اپنے دفتر میں موجود تھے جو محفوظ رہے، زخمیوں میں ان کے گارڈ اور راہ گیر شامل ہیں، علاقے کو سیل کر کے سرچ اور کلیئرنس آپریشن شروع کر دیا گیا ہے۔
