• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جنرل عاصم منیر نے آپریشن بنیان مرصوص میں اپنی صلاحیتوں کا لوہا منوایا، کرن بلوچ

میرا شہر
کوئٹہ
21 مئی ، 2025
کوئٹہ(پ ر)پاکستان پیپلز پارٹی ویمن ونگ بلوچستان کی سیکرٹری اطلاعات کرن بلوچ نےکہا ہے کہ آرمی چیف جنرل سید عاصم منیر کو فیلڈ مارشل کے عہدے پر ترقی دینا نہ صرف ایک عسکری اعزاز ہے بلکہ یہ پوری قوم کے اُس اعتماد، محبت اور عقیدت کا مظہر ہے جو انہوں نے ’معرکہ حق آپریشن بنیان مرصوص‘ کے دوران اپنی قیادت سے جیتا۔ اُن کی بے مثال عسکری بصیرت، غیر متزلزل قیادت اور وطن سے وفاداری نے پاکستان کو فیصلہ کن تاریخی کامیابی سے ہمکنار کیا۔ایک بیان میں انہوں نے کہا کہ فیلڈ مارشل جنرل سید عاصم منیر قوم کا فخر ہیں اور ان کی قیادت ہمارے لیے مشعلِ راہ ہے ان کی قیادت نے دنیا کو یہ پیغام دیا کہ پاکستان نہ صرف اپنے دفاع کی بھرپور صلاحیت رکھتا ہے بلکہ کسی بھی جارحیت کا دندان شکن جواب دینے کی طاقت بھی رکھتا ہے۔انہوں نے کہا کہ ہم ان شہداء، غازیوں، افسران، جوانوں اور شہریوں کو بھی سلام پیش کرتے ہیں جنہوں نے اس عظیم معرکے میں وطن کی سرحدوں کا تحفظ یقینی بنایا۔آرمی چیف جنرل سید عاصم منیر کی بطور فیلڈ مارشل ترقی پاکستان کی مسلح افواج کی عظیم روایات اور قومی دفاع کے لیے ان کی خدمات کا اعتراف ہے۔
کوئٹہ سے مزید