• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لیڈیز سوٹ مہنگے ہونے کا معاملہ قومی اسمبلی تک پہنچ گیا

آج کا اخبار
اہم خبریں
22 مئی ، 2025
اسلام آ باد (رانا غلام قادر ) لیڈیز سوٹ مہنگے ہونے کا معاملہ قومی اسمبلی تک پہنچ گیا۔پینل آف چیئر مین کے رکن عبد القادر پٹیل نے اجلاس کی صدارت کی۔ پیپلز پارٹی کی ایم این اے شگفتہ جمانی نے یہ معاملہ قومی اسمبلی کے وقفہ سوالات کے دوران اٹھا یا۔ شگفتہ جمانی نے کہا کہ برینڈز کا نام دے کر لوکل ٹیکسٹائل نے اپنی قیمتیں بڑھا دی ہیں۔جو لیڈیز سوٹ 7 سے 8ہزار روپے میں ملتا تھا اب اس کی قیمت 19سے 20ہزار ہے۔ ان پر چیک اینڈ بیلنس کون رکھے گا؟ جو گھر سے اٹھتا ہے وہ ٹیکسٹائل کا بزنس شروع کر دیتا ہے اور اپنا نام رکھ لیتا ہے۔پارلیمانی سیکرٹری تجارت ذوالفقار علی بھٹی نے جواب دیا کہ لوکل مارکیٹ اور ریٹیل مارکٹ پر ہمارا کوئی کنٹرول نہیں البتہ ٹیکسٹائل کی قیمتیں بڑھنے کی وجہ بجلی اور گیس کی قیمتوں میں اضافہ ہو سکتا ہےجس سے پیداواری لاگت بڑھ گئی ہے۔
اہم خبریں سے مزید