فرمان الہی
نماز کے اوقات
وفاقی وزیر خزانہ سینیٹر محمد اورنگزیب نے کہا ہے کہ 2 کروڑ نوکریاں دینے کا نہیں کہہ سکتا۔
میڈیا سے گفتگو میں سینیٹر محمد اورنگزیب نے کہا کہ وہ یہ نہیں کہہ سکتے کہ ایک کروڑ یا دو کروڑ نوکریاں دے دیں گے، نوکریاں دینے کے شعبے میں نجی شعبے کو لیڈ کرنا ہوگا۔
انہوں نے کہا کہ صنعتوں کو اتنا مضبوط ہونا ہوگا کہ وہ ایکسپورٹ کرسکیں۔
ایک سوال کے جواب میں وزیر خزانہ نے کہا کہ ریٹیلرز یا ہول سیلرز سے ٹیکس لگانے کے لیے یہی رہ گیا کہ فوج یا پولیس بھجوادیں۔
انٹرنیشنل کیپٹل مارکیٹ کے بارے میں سوال پر وزیر خزانہ نے کہا کہ یورو بونڈز کی 500 ملین ڈالرز کی پمنٹ کی پہلی قسط اس سال آنی ہے، اس کے لیے ہم تیار ہیں۔
انہوں نے مزید کہا کہ اس کے بعد اگلے سال مارچ اپریل میں پیمنٹ کےلیے بھی تیار ہیں، اسی سال پوری کوشش ہے کہ پانڈا بونڈز پر بھی کام کرلیں۔
