• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آرتھوڈوکس ربیز کا فری فلسطین تحریک کے خلاف ٹائم اسکوائر میں بل بورڈ مہم

آج کا اخبار
اہم خبریں
16 جون ، 2025
کراچی (جنگ نیوز) نیو یارک پوسٹ کے مطابق2500 سے زائد آرتھوڈوکس ربیز کے ایک گروپ نے "فری فلسطین" تحریک کے خلاف ایک عوامی آگاہی مہم کا آغاز کیا ہے۔ اس سلسلے میں نیو یارک کے مشہور ٹائم اسکوائر پلازہ کے باہر براڈوے کے قریب 1060x512 فٹ کا ایک بل بورڈ نصب کیا جائے گا، جو پیر سے عوام کے لیے دکھایا جائے گا۔یہ مہم "کولیشن فار جیوش ویلیوز" کی مالی معاونت سے شروع کی گئی ہے اور اس کا مقصد "فری فلسطین" تحریک کو دہشت گردی کا حصہ قرار دینا ہے۔ بل بورڈ پر 10 سیکنڈ کا ایک ہائی ریزولوشن اینیمیٹڈ ویڈیو کلپ دکھایا جائے گا، جو ہر گھنٹے کئی بار اگلے 30 دنوں تک چلایا جائے گا۔ اس گروپ کا دعویٰ ہے کہ "فری فلسطین" تحریک یہود دشمنی سے بھری ہوئی ہے اور یہ اسرائیل مخالف جذبات کو ہوا دیتی ہے۔ بل بورڈ پر دو تصاویر نمایاں کی گئی ہیں جو اس تحریک کی مذمت کو واضح کرتی ہیں۔ یہ مہم اسرائیل کے خلاف بڑھتی ہوئی مخالفت کے جواب میں ایک بڑے پیمانے پر عوامی پیغام کے طور پر دیکھی جا رہی ہے۔یہ اقدام نیو یارک جیسے عالمی شہر میں سیاسی اور سماجی بحث کو مزید تیز کرنے کا سبب بن سکتا ہے۔
اہم خبریں سے مزید