• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریاستی رٹ پر حملہ کےذمہ داروں کیخلاف کارروائی عمل میں لائی جائیگی، ڈی جی لیویز

میرا شہر
کوئٹہ
24 جون ، 2025
کوئٹہ ( اسٹاف رپورٹر)ڈائریکٹر جنرل بلوچستان لیویز فورس عبدالغفار مگسی نے کہا ہے کہ ریاستی رٹ پر حملہ ایک ناقابل معافی جرم ہے۔ایسے عناصر، خواہ وہ اندرونی ہوں یا بیرونی، انکے خلاف بلا تفریق کریمنل اور محکمانہ کارروائی عمل میں لائی جائے گی غفلت برتتے ہوئے ایسے واقعات کا سبب بنے والے اہلکاروں کی فورس میں کوئی جگہ نہیں ان خیالات کا اظہار انہوں نے گزشتہ روز تحصیل دشت میں لیویز تھانے پر شرپسند عناصر کے حملے کے بعد، ہنگامی دورے موقع پر بات چیت کرتے ہوئے کیا انہوں نے ، سیکیورٹی صورتحال کا جائزہ لیا اور اہم فیصلےکیے ڈی جی لیویز عبدالغفار مگسی نے موقع پر موجود اہلکاروں کو لائن اپ کر کے ان کی حاضری و کارکردگی کا تفصیلی جائزہ لیا اور واقعے میں ملوث اہلکاروں کے خلاف فوری ڈسپلنری ایکشن کے احکامات جاری کیے انہوں نے کہا ریاستی رٹ پر حملہ ایک ناقابل معافی جرم ہے۔ایسے عناصر، خواہ وہ اندرونی ہوں یا بیرونی، انکے خلاف بلا تفریق کریمنل اور محکمانہ کارروائی عمل میں لائی جائے گی۔انہوں نے واضح کیا کہ جو اہلکار ذمہ داری سے غفلت برتتے ہوئے ایسے واقعات کا سبب بنے، ان کی فورس میں بحالی ممکن نہیں ہو گی۔ ان پر باقاعدہ ڈسپیشل آرڈرز کے تحت سخت قانونی کارروائی کی جائے گی، انہوں نے متعلقہ افسران کو ہدایت دی کہ وہ تھانے کی فوری بحالی اور سیکیورٹی اقدامات کو ازسرنو مثر بنانے کے لیے ہنگامی بنیادوں پر کام کریں، تاکہ آئندہ کسی بھی غیر قانونی حرکت کا بروقت سدباب کیا جا سکے۔
کوئٹہ سے مزید