• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومت اور وزراء گرینڈالائنس کے قائدین سے کیے وعدوں سے مکر گئے،فپواسا

میرا شہر
کوئٹہ
28 جون ، 2025
کوئٹہ( اسٹاف رپورٹر) فپواسا بلوچستان چیپٹر و اکیڈمک اسٹاف ایسوسی ایشن جامعہ بلوچستان کے صدر پروفیسر ڈاکٹر کلیم اللہ بڑیچ، جنرل سیکرٹری فریدخان اچکزئی، نائب صدر ڈاکٹر شبیر احمد شاہوانی، جوائنٹ سیکرٹری میڈم زہرا ملغانی، پریس سیکرٹری رحمت اللہ اچکزئی، فنانس سیکرٹری پروفیسر ڈاکٹر صاحبزادہ باز محمد کاکڑ اور ایگزیکٹیو ممبران ارباب رضا کاسی، میڈم فرحانہ عمر مگسی، ڈاکٹر محب اللہ کاکڑ، ڈاکٹر گل محمد بلوچ اور پروفیسر مسعود مندوخیل نے کہا کہ صوبائی حکومت اور وعدہ خلاف وزراء بلوچستان گرینڈالائنس کے قائدین سے 17 جون کو کئے گئے وعدوں جس میں صوبے کے تمام سرکاری ملازمین کو 30 فیصد ڈسپیریٹی الائونس، صوبے کی یونیورسٹیوں کو تنخواہوں و پینشنز کی مد میں 11 ارب روپے دینے اور یونیورسٹیوں کے منظور شدہ الاؤنسز کے غیر قانونی نوٹیفکیشن کو واپس لینے اور مہنگائی کی شرح سے تنخواہوں میں اضافے کی بجائے بلوچستان یونیورسٹی کے ایمپللائز ایسوسی ایشن کے صدر شاہ علی بگٹی، آفیسرز ایسوسی ایشن کے چیئرمین نزیر لہڑی جنرل سیکرٹری نعمت اللہ کاکڑ جواہنٹ سیکریٹری شاہ بابر کو غیرقانونی طور پر گرفتار کرنا دراصل ملازمین دشمنی ہیں۔ انہوں نے کہا کہ اس سے پہلے بلوچستان گرینڈالائنس کے مرکزی آرگنائزر پروفیسر قدوس کاکڑ، جنرل سیکرٹری اصغر بنگلزئی کو مذاکرات پر بلا کر دھوکہ دہی سے درجنوں ساتھیوں سمیت گرفتار کرکے وعدہ خلافی اور دھوکہ دہی کی انتہا کردی۔ بیان میں واضح کیا کہ ایک طرف بلوچستان یونیورسٹی اساتذہ کرام اور آفیسران اب تک مئی کے مہینے کی تنخواہ اور پینشنز سے محروم ہیں بلکہ پچھلے سال کے سالانہ بجٹ میں حکومت کی جانب اضافہ شدہ تنخواہ سمیت پنشن سے بھی محروم رکھے گئےہیں لیکن اس سخت مالی بحران کے باوجود صوبائی حکومت نے اپنے سالانہ بجٹ میں سے ایک بار پھر قصدا یونیورسٹیوں کی بجٹ میں وعدے کے مطابق 11 ارب روپے نا رکھ کر یونیورسٹیوں کو مذید مالی بحران میں دھکیلا جس کے خلاف یونیورسٹیوں کے اساتذہ کرام اور ملازمین نے دیگر سرکاری ملازمین کے ساتھ بلوچستان گرینڈالائنس کی پلیٹ فارم سے بھرپور آواز اٹھائی اور اٹھاتی رہیگی۔۔ انہوں نےتمام غیرقانونی طور پر گرفتار قائدین و ملازمین کی قربانیوں کو خراج تحسین پیش کرتے ہوئے پرزور مطالبہ کیا کہ ان تمام کو فوری طور پر رہا کیا جائے اور صوبائی حکومت وعدے کے مطابق بجٹ اور تنخواہوں اور پنشنز میں اضافہ کریں۔ انہوں نے اس عزم کا اظہار کیا کہ اساتذہ اور ملازمین کے جائز حقوق کے لئے جدوجہد جاری رکھی جائے گی اور کسی قربانی سے دریغ نہیں کیا جائے گا۔
کوئٹہ سے مزید