• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی میں رواں برس قتل کے 290 واقعات

آج کا اخبار
اہم خبریں
04 جولائی ، 2025
کراچی( ثاقب صغیر )کراچی میں رواں برس مختلف واقعات میں قتل کے 290،اغوا، اغوا برائے تاوان اور بچوں کے اغوا کے 2ہزار 112 جبکہ ڈکیتی و راہزنی کے2ہزار119واقعات رپورٹ ہوئے۔تفصیلات کے مطابق سال 2025 کی پہلی ششماہی میں شہر کے مختلف تھانوں میں قتل کے 290واقعات رپورٹ ہوئے۔جنوری میں 55 فروری میں40،مارچ میں 44،اپریل میں 53 ، مئی میں 65 اور ماہ جون میں قتل کے 33 واقعات رپورٹ ہوئے۔اس دوران اغواہ کے 1871 ، اغواہ برائے تاوان کے 23 اور بچوں کے اغوا کے 218 واقعات رپورٹ ہوئے۔رواں برس کے پہلے چھ ماہ کے دوران زنا آرڈیننس کے 116 ، اقدام قتل کے 465 اور اقدام خودکشی کے 7 واقعات رپورٹ ہوئے۔سال 2025 کے پہلے چھ ماہ کے دوران ہائی وے پر ڈکیتی و راہزنی کے 3 ، گھروں میں ڈکیتی و راہزنی کے 135 ، دکانوں پر ڈکیتی و راہزنی کے 92 جبکہ ڈکیتی و راہزنی کے دیگر واقعات کے 1882 واقعات رپورٹ ہوئے۔شہر میں مختلف واقعات کے مجموعی طور پر 34 ہزار 380 مقدمات درج کیے گئے۔
اہم خبریں سے مزید