• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نئے چیئرمین ایچ ای سی کی تعیناتی کے لیے تلاش کمیٹی کا پہلا اجلاس

آج کا اخبار
اہم خبریں
10 جولائی ، 2025
کراچی(سید محمد عسکری) وفاقی وزیر تعلیم ڈاکٹر خالد مقبول صدیقی کی زیر صدارت ایچ ای سی چیئرمین کی تعیناتی کے لیے تلاش کمیٹی کا پہلا اجلاس بدھ کو ہوا اجلاس میں وزیر مملکت وجیہہ قمر، سیکریٹری تعلیم ندیم محبوب اور اراکین نے شرکت کی اس موقع پر ڈاکٹر خالد مقبول صدیقی نے کہا کہ چیئرمین ہائر ایجوکیشن کمیشن کی تعیناتی کا عمل شفاف اور میرٹ پر مبنی ہوگا،تعیناتی کا عمل جلد مکمل کیا جائے گا،اجلاس میں نئے چیرمین ایچ ای سی کے لیے اشتہار دینے کا فیصلہ نہ ہوسکا۔ توقع ہے کہ اشتہار کا فیصلہ آئندہ 16 جولائی 2025 کے اجلاس میں ہوگا۔ وفاقی وزیر ڈاکٹر خالد مقبول صدیقی نے کہا کہ شفافیت، میرٹ اور تیز تر کارروائی ہماری ترجیحات ہیں، تعلیم کا معیار بلند کرنے کے لیے قیادت کا درست انتخاب ناگزیر ہے۔
اہم خبریں سے مزید