• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نئی نمبر پلیٹس نہ ہونے پر چالان کرنا بھی سندھ ہائیکورٹ میں چیلنج

آج کا اخبار
ملک بھر سے
13 جولائی ، 2025
کراچی (اسٹاف رپورٹر ) نئی نمبرز پلیٹس نہ ہونے پر پولیس کی جانب سے چالان کرنے کو بھی سندھ ہائی کورٹ میں چیلنج کردیا گیا۔ درخواست سماجی کارکن فیضان حسین نے دائر کی۔ درخواست میں موقف اپنایا گیا ہے کہ ڈی آئی جی ٹریفک نے پولیس کو نئی نمبر پلیٹس لگانے پر سختی سے عملدرآمد کرنے کا کہا تھا۔ ٹریفک پولیس نے نئی نمبرز پلیٹس لگانے کے لیے آگاہی مہم اور سختی سے عملدرآمد کرانے کی بجائے بھاری چالان کرنا شروع کردیئے ہیں۔ پولیس کو موٹرسائیکلوں کے چالان کاٹنے سے روکا جائے۔مہنگائی کے عالم میں بھاری چالان ادا کرنا شہری کے لیے شدید مشکلات کا سبب بن رہا ہے۔ درخواست گزار نے موٹرسائیکل کی نمبر پلیٹس تبدیلی کو بھی عدالت میں چلینج کر رکھا ہے۔
ملک بھر سے سے مزید