فرمان الہی
نماز کے اوقات
نیشنل ایروناٹکس اینڈ اسپیس ایڈمنسٹریشن (ناسا) نے سورج کی اب تک کی قریب ترین سے لی گئی حیرت انگیز تصاویر جاری کردیں۔
ناسا کے پارکر سولر پروب نے سورج کی 3.8 ملین میل کے فاصلے سے شاندار تصاویر لی ہیں۔
لائیو سائنس کے مطابق 24 دسمبر 2024ء کو ایک پرواز کے دوران لی گئی حیرت انگیز تصاویر سورج کی بیرونی فضا سے خارج ہونے والے چارج شدہ ذرات کا ایک مستقل بہاؤ جسے ’کورونا‘ کہا جاتا ہے، اس کے بارے میں اہم بصیرت کا انکشاف کیا ہے۔
رپورٹ میں بتایا گیا کہ یہ بہاؤ خلائی موسم کے مختلف مظاہر میں اپنا حصہ ڈالتا ہے ان مظاہروں میں ارورا کے خوبصورت نظاروں سے لے کر زمین پر پاور گرڈز اور سیٹلائٹ سسٹم میں خلل ڈالنے والے برقی مقناطیسی واقعات شامل ہیں۔
یہ نئے اعداد و شمار خاص طور پر سست شمسی ہوا کے ایک اہم راز کو افشاں کرنے کے لیے اہم ہیں جو اپنے تیز رفتار ہم منصب کے مقابلے میں زیادہ گھنا اور زیادہ بے ترتیب رویے کو ظاہر کرتا ہے۔
محققین نے طویل عرصے سے یہ سمجھنے کی کوشش کر رہے ہیں کہ شمسی ہوا کیسے پیدا ہوتی ہے اور یہ سورج کی مضبوط کشش ثقل سے کیسے بچ جاتی ہے۔
جانز ہاپکنز اپلائیڈ فزکس لیبارٹری میں پارکر سولر پروب کے پروجیکٹ سائنسدان نور روافی نے کہا کہ ذرات کے اس مسلسل بہاؤ کو سمجھنا اور خاص طور پر سست شمسی ہوا کو سمجھنا ایک بڑا چیلنج ہے۔
پارکر سولر پروب سے حاصل کیے گئے تازہ ترین اعداد و شمار نے ایک اہم مفروضے کی تصدیق کر دی کے سست شمسی ہوا دو الگ الگ اقسام پر مشتمل ہوتی ہے ایکس قسم ’الفوینک‘ ہے اور دوسری ’غیر الفوینک‘ ہے۔
سورج کی یہ تصاویر تجویز کرتی ہیں کہ الفوینک ہوائیں سورج کے ٹھنڈے علاقوں میں موجود کورونل سوراخوں سے نکل سکتی ہیں، جبکہ غیر الفوینک ہوائیں گرم مقناطیسی لوپس سے نکل سکتی ہیں جنہیں ہیلمٹ اسٹریمرز کہتے ہیں۔
اس حوالے سے میری لینڈ میں ناسا کے گوڈارڈ اسپیس فلائٹ سینٹر کے پارکر سولر پروب مشن کے سائنسدان ایڈم ایس زیبو نے کہا کہ ہمارے پاس ابھی تک کوئی حتمی اتفاق رائے نہیں ہے لیکن ہمارے پاس بہت سارا نیا دلچسپ ڈیٹا موجود ہے۔
واضح رہے کہ پارکر سولر پروب جسے 2018ء میں لانچ کیا گیا تھا، سورج کے کورونا میں داخل ہونے والا پہلا خلائی جہاز ہے۔
یہ جدید سائنسی آلات سے لیس ہے جس میں وائڈ فیلڈ امیجر فار سولر پروب (ڈبلیو آئی ایس پی آر) بھی شامل ہے، بغیر پائلٹ کے یہ پارکر سولر پروب ڈیٹا جمع کرنے کے لیے سورج کے قریب انتہائی درجہ حرارت کو برداشت کرتا ہے۔
