فرمان الہی
نماز کے اوقات
اسلام آباد (مہتاب حیدر) وزارت خزانہ نے تین بڑے سرکاری اداروں (ایس او ایز)کا جائزہ لیا ہے اور اعلان کیا ہے کہ پاسکو ’’بلند کریڈٹ رسک پروفائل‘‘ کا مظاہرہ کر رہا ہے، جو اس کے کاروباری اور مالیاتی ڈھانچے میں ساختی چیلنجز کی عکاسی کرتا ہے۔ رپورٹ میں بتایا گیا ہے کہ پاسکو کی قرض کی ساخت کافی خطرہ پیدا کرتی ہے، جس میں مارکیٹ کے تینوں خطرات—غیر ملکی کرنسی، قلیل مدتی، اور متغیر شرح سود کے قرض—سے بچاؤ کے بغیر زیادہ نمائش شامل ہے۔ پاسکو کو درپیش تمام خطرات میں مالی استحکام کا خطرہ اور قرض کی ساخت سب سے زیادہ اہم ہیں، جن کی نمایاں خصوصیات میں قرض سے ایکویٹی کا زیادہ تناسب اور معمولی قرض کی کوریج شامل ہیں۔ وزارت خزانہ کے قرض انتظامیہ کے دفتر نے تین بڑے سرکاری اداروں کا جائزہ لیا ہے، جن میں گورنمنٹ ہولڈنگز پرائیویٹ لمیٹڈ، نیشنل ٹرانسمیشن اینڈ ڈسپیچ کمپنی ، اور پاکستان ایگریکلچرل سٹوریج اینڈ سروسز کارپوریشن لمیٹڈ شامل ہیں۔ منتخب کردہ تین سرکاری اداروں میں سے، پاسکو اور این ٹی ڈی سی مختلف کٹیگریز میں بدترین کارکردگی دکھانے والے ادارے ہیں۔ جبکہ جی ایچ پی ایل کو ایک کم خطرے والا ادارہ قرار دیا گیا ہے، جس کی حمایت اس کی مضبوط مالی پوزیشن اور بہترین کاروباری پروفائل سے ہوتی ہے۔ وزارت خزانہ کا کہنا ہے کہ پاسکو ایک سرکاری ادارہ ہے جو ٹریڈنگ اینڈ مارکیٹنگ سیکٹر میں، خاص طور پر زرعی ذخیرہ اندوزی کے ذیلی شعبے میں کام کر رہا ہے۔ پاسکو ایک بلند کریڈٹ رسک پروفائل کا مظاہرہ کرتا ہے، جس کی اسٹینڈ الون ریٹنگ 0.3 ہے، یہ اس کے کاروباری اور مالیاتی ڈھانچے میں موجود ساختی چیلنجز کی عکاسی کرتا ہے۔ اگرچہ پاسکو ایک جزوی طور پر معاون ریگولیٹری ماحول میں کام کر رہا ہے، لیکن اسے مسابقتی ماحول کے درمیان تنوع اور آپریشنل کارکردگی سے متعلق مشکلات کا سامنا ہے۔ مالی طور پر، کم منافع بخشی، سخت لیکویڈیٹی، اور قرض کا زیادہ بوجھ اس کے مالیاتی استحکام کے لیے اہم خطرات کا باعث ہیں۔
