• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان اورUAEکے درمیان دو طرفہ تجارت کا حجم 10.9 ارب ڈالر تک پہنچ چکا،دیوان فخرالدین

میرا شہر
لاہور
22 جولائی ، 2025
لاہور(خصوصی رپورٹر)فیڈریشن آف پاکستان چیمبرز آف کامرس اینڈ انڈسٹری کی پاکستان،متحدہ عرب امارات بزنس کونسل کے چیئرمین دیوان فخرالدین نے دونوں برادر ممالک کے درمیان سفارتی اور سرکاری پاسپورٹ رکھنے والوں کے لیے ویزہ چھوٹ پر اتفاق کو خوش آئند قرار دیتے ہوئے مطالبہ کیا کہ یہ سہولت پاکستان کے حقیقی سرمایہ کاروں، کاروباری شخصیات اور صنعتکاروں تک بھی بڑھائی جائے تاکہ بزنس ٹو بزنس اور بزنس ٹو گورنمنٹ روابط کو مزید فروغ دیا جا سکے۔دیوا ن فخر الدین نے بتایا کہ اس وقت پاکستان اور متحدہ عرب امارات کے درمیان دو طرفہ تجارت کا حجم 10.9 ارب ڈالر تک پہنچ چکا ہے،اپنے بیان میں دیوان فخرالدین نے ڈپٹی وزیر اعظم و وزیر خارجہ پاکستان اسحاق ڈار اور متحدہ عرب امارات کے وزیر خارجہ شیخ عبداللہ بن زاید النہیان کے کردار کو سراہا جن کی کوششوں سے 13 سال کے وقفے کے بعد پاکستان،متحدہ عرب امارات مشترکہ وزارتی کمیشن کا 12 واں اجلاس ممکن ہوا۔ اجلاس میں تجارت، بینکاری، ثقافت، سرمایہ کاری، ہوا بازی، ریلوے، توانائی، غذائی تحفظ، ماحولیاتی تبدیلی، دفاع، صحت، افرادی قوت، اعلی تعلیم اور آئی ٹی سمیت کئی اہم شعبوں پر بات چیت ہوئی۔ جبکہ مالی سال 2025 میں متحدہ عرب امارات سے ترسیلات زر 7 ارب ڈالر سے تجاوز کرنے کی توقع ہے، یہ ترسیلات زر تجارتی خسارہ کم کرنے اور کرنٹ اکاؤنٹ کو متوازن رکھنے میں کلیدی کردار ادا کر رہی ہیں۔ اگر مناسب اقدامات کیے جائیں تو اگلے پانچ برسوں میں تجارتی حجم کو بھی دگنا کیا جا سکتا ہے۔ 
لاہور سے مزید